Qurilish materiallari

Polivinilxlorid (PVX) derazalar. Eski derazalarni yangi PVX derazalar bilan almashtirish xonalarda 30-50% issiqlikni ushlab qolish imkonini beradi. Ular yuqori issiqlik izolatsiyasi, klimat o'zgarishiga chidamli bo`lib, deformatsiyalanmaydi.
PVX derazalari tayyorlashda tarkibida stabilizatorlar, modifikatorlar, pigmentlar va qo'shimchalar kiritiladi. Bu komponentlar yoruglikka bardoshlilik, atmosfera muhitiga chidamlilik, yuza sifati va payvandlash imkoniyatini beradi. Yog'och zaxiralari kam bo`lgan mamlakatlarda PVX derazalar ishlatish maqsadga muvofiqdir.
Issiqlik qaytaruvchi polimer plyonkalar (IQPP). Amaliy jihatdan nurni yutmaydigan. shishaga nisbatan oyna yuzali polimer plyonkalar ultrabinafsha nurlar diapozonida yoruglikni yutadi, issiqlik yo'qotilishi 40-50% kamaytirilib, xonada yoqimli mikroklimat hosil qiladi. Ko'cha harorati -20°C bo`lganda tipovoy ko'p kvartirali binoni teplovizor orqali kuzatilganda, deraza atroflaridagi harorat -8°-6°C ni tashkil etadi.
Energiyatejamkor plyonkalarning samaradorligi ularning emissiya darajasi, ya'ni yuzaning issiqlikni yutish va uni qaytarish imkoniyatidir. Bu plyonkalar shishapaket ichki oynasining ichki tomonidan qoplanadi. Xonadagi issiqlik oqimi ichki oynadan o'tib, plyonkaga uriladi va xona ichiga qaytadi, oyna qiziydi va xonani qo'shimcha isitish vositasiga aylanadi. Bundan tashqari, plyonka quyosh nurini yig'adi va xonaga yo'naltiradi. Ionplazma usulida bir necha qatlam purkalgan plyonka ultrabinafsha nurlarni to'liq ushlab qoladi, infraqizil nurlarni esa 50% intensivligini kamaytiradi.
Xonalarning issiqlik izolatsiyasi. Energetik talablar yuqori darajada qo'yilgan binolarda isitish tizimlari va issiq suv ta'minotida 70% samaradorlik polimer materiallar ishlatilishi bilan bogliqdir. Bularga issiqlikni qaytaradigan polietilen asosida tayyorlangan oynaga yelimlanadigan plyonkalar, PVX asosidagi derazalar va plintuslar, hishapaketlar uchun butilkauchukli izolatsiya, devorlaming izolatsiyasi uchun penopolistirollar, polipropilen asosidagi batareyalar, pol osti isitish tizimlari, eshik va romlar, truboprovodlarda ishlatiladigan poliuretanli IIM va shu kabilar kiradi. Butun dunyoda energiyasamarador binolar qurish rivojlanmoqda. Yevropada 2010-yilda 1m² 37 kW∙soat energiya samaradorlik ko'rsatkichi bo'lsa ushbu kattalik 2015-yilda 25 kW∙soat bo'lishi me'vor sifatida belgilandi.