Qurilish materiallari

Karbonatlar guruhiga kalsit, dolomit va magnezit kiradi.
Kalsit (CaCO₃) rangsiz yoki oq, qo'shimchalar bo'lsa, kul rang, sariq, pushti yoki havo rang mineral bo'lib, zichligi 2,7 g/sm³, qattiqligi 3.
Dolomit (CaCO₃∙MgCO₃) rangsiz yoki oq, sarg'ish va qo'ng'ir-rang mineral. Zichligi 2,8 g/sm³, qattiqligi 3–4. Dolomit magnezial va dolomitli bog'lovchilar ishlab chiqarishda xom ashyodir. U kesilib bloklar holida va maydalanib beton uchun yirik to'ldiruvchi sifatida ishlatilishi mumkin.
Magnezit (MgCO₃) rangsiz, oq, kulrang, sariq, jigarrang mineral bo'lib, zichligi 3,0 g/sm³, qattiqligi 3,5–4,5. Magnezit 1500–1650 °C kuydirilib, yuqori haroratga bardoshli materiallar va 750-800 °C kuydirilib, magnezial bog'lovchi olinadi.
Giltuproq minerallar guruhiga kaolinit, gidroslyudalar, mont-morillonitlar kiradi. Kaolinit (Al₂O₃∙2SiO₂∙2H₂O) oq, qo'ng'ir yoki yashil aralashgan rangli mineral bo'lib, zichligi 2,6 g/sm³, qattiqligi 1. Kaolinit dala shpatlari, slyudalar va boshqa silikatlar nurashidan hosil bo'ladi. U kaolinli giltuproqlar asosini tashkil qiladi. Gidrosludalar sluda va dala shpatlarining yemirilishidan hosil bo'ladi. Gidrosluda harorat ta'sirida ko'pchitilganda hajmi 20 marta kattalashadi va hosil bo'lgan vermikulit g'ovak jinsi yengil betonga to'ldiruvchi sifatida ishlatiladi. Montmorillonit cho'kindi jinslarning, xususan, giltuproqlarning asosini tashkil qiladi.
Sulfatlar guruhiga gips va angidrit kiradi. Gips (CaSO₄∙2H₂O) oq, qo'shimchalar bo'lsa havorang, sariq, qizil ko'rinishdagi mine-raldir. Zichligi 2,3 g/sm³, qattiqligi 2. Gips qurilish va quyma gips bog'lovchisi ishlab chiqarishda xom ashyodir. Angidrit (CaSO₄) oq, kulrang, pushti, och havorang yaltiroq mineral. Zichligi 3,0 g/sm³, qattiqlagi 3–3,5, mineral bog'lovchi ishlab chiqarishda ishlatiladi.