Qurilish materiallari

Buyum vakonstruksiyalar sirtini pardozlash. Yirik uysozlik panellari, fasad plitalari va ba'zi konstruksiyalar zavod sharoitida pardozlanadi. Industrial usulda zavodda pardozlangan panel va konstruksiyalar yuqori sifatli bo`lib, qurilishni jadallashliradi. Devor panellar fasad tomoni fakturali ishlanadi, rangli qorishma va betonlar bilan pardozlanadi, keramik va shisha plitalar bilan qoplanadi.
Maishiy xizmat binolari panel va plitalari, sanitariya-texnika kabinalari ichki tomondan keramik va shisha plitalar, mozaikalar, donador polimer va bog'lovchi aralashmalar bilan pardozlanadi.
Pardozlash quruq qorishmalari mineral yoki polimer bog'lovchilar, mineral va shisha tolasi kabi issiqlik izolalsiyasi materiallari, to'ldirgichlar, rangli pigmentlar va boshqa qo'shimchalar asosida tayyorlanadi. Issiqlik izolatsiyasi xususiyatiga ega bo'lgan pardozlash qatlami panel va plitalar asosida qurilgan binolarda issiqlik yo'qotilishini kamaytiradi.


7.3.1 Temirbeton buyum va konstruksiyalarni ishlab chiqarish usullari


Yig'ma temirbeton konstruksiyalar zavodda stend, potok-agregat va konveyer usullarida ishlab chiqariladi.
Stend usulida temirbeton konstruksiyalar qo'zg'almas qoliplarda tayyorlanadi, texnologik operatsiyalarni amalga oshiradigan mexanizmlar va agregatlar postdan postga siljiydi va har bir postda muayyan operatsiyalar belgilangan ketma-ketlikda bajariladi.
Temirbeton konstruksiyalar stend yoki matritsa qoliplarda qotishini tezlashtirish uchun issiq suv, bug', elektr toki va shu kabi usullarda ishlatiladi. O'zbekistonning quruq issiq iqlim sharoitida temirbetonni geliotermoishlov usulida qotishini tezlashtirish mumkin.
Stend usulida, massiv to'sinlar, ustunlar, fermalar, arkalar, uysozlik panellari armaturasi avvaldan taranglangan ko'prik konstruksiyalari va shu kabilar tayyorlanadi. Texnologiya mexanizm va agregatlarning soddaligi, qat'iy ishlab chiqarish ritmiga amal qilinmasligi bilan boshqa usullardan farq qiladi.