Qurilish materiallari

Nazorat savollari:

1.Shisha xomashyosi nimalardan tashkil topgan?

2. Shisha qanday olinadi?
3. Shishaning asosiy xossalarini aytih bering.
4. Qanday shisha turlarini bilasiz?
5. Quyma shlak tosh buyumlarning turlarini aytib bering.


V BOB
MINERAL BOG'LOVCHI MATERIALLAR


Tayanch iboralar: havoyi ohak, gips, ganch, gidravlik ohak, suyuq shisha, portlandsement, shlakli sement, pussolanli sement, sulfat muhitiga bardoshli sement, tez va o‘ta tez qotuvchi sementlar, giltuproqli sement, oq va rangli sementlar, gidravlik qo‘shimchalar, qotish jarayoni, korroziya, modifikatorlar.
5.1. Umumiy ma'lumotlar


Mineral (noorganik) bog'lovchilar kukunsimon bo'lib, suv bilan aralashtirilganda plastic qorishma hosil bo'ladi va fizik-kimyoviy jarayonlar natijasida sun'iy toshsimon materialga aylanadi.
Mineral bog'lovchilar strukturasi va qotish mexanizmiga ko'ra havoyi hamda gidravlik turlariga bo'linadi. Havoyi bog'lovchilar qotish jarayoni, mustahkamligi ortishi faqat havoda yuz beradi. Havoyi bog'lovchilarga havoyi ohak, gips, magnezial, suyuq shisha va shu kabilar kiradi. Gidravlik bog'lovchilar qotish jarayoni boshlanishi havoda yuz berib, suv yoki o'ta nam sharoitda davom etadi va mustahkamligi ortadi. Gidravlik bogiovchilarga gidravlik ohak, romansement, portlandsement va uning turlari, giltuproqli sement, pussolanli va shlakli portlansementlar, kirishmaydigan va kengayuvchan sement va shu kabilar kiradi.
Mineral bog'lovchilar xossalarini yaxshilash uchun tarkibiga aktiv mineral qo'shimchalar – trepel, opoka, diatomit, pemza, gliyej, vulqon tufi va kuli hamda toshko'mir kuli, shlaklar va shu kabilar qo'shiladi. Mineral bog'lovchilar asosida g'isht, tosh terish va suvoqchilik qorishmalari, beton va temirbeton buyum va konstruksiyalar, armosement konstruksiyalar, avtoklav buyumlar, yelimlovchi va bo'yoq kompozitsiyalar va boshqa mahsulotlar tayyorlanadi.