Qurilish materiallari

Qalinligi, mm	Eni, mm	Uzunligi, p.m.
Kesma, p.m.
2	1.05	50 : 150	10;25: 30
3	1,05	50: 150	10 : 25
4	1,05	50: 100	10
5	1,05	50:100	10
8	1.05	50	5

Petrofom fizik usulda ko'pirtirilgan boglanmagan polietilen bo'lib, yengil, elastic va egiluvchan, suv va bug' o'tkazmaydi, kimyoviy muhitlarga chidamli, chirimaydi, ekologik xavfsiz.


Petrofomning texnik xususiyatlari

Ко'rsatkich nomi	Miqdori
O'rtacha zichligi, kg/m^3	18-35
Issiqlik o'tkazuvchanlik koefitsiyenti, W/(m°C )	0,042
Suv shimuvchanligi. (24 soat),% hajm bo'yicha	<0.8
Bug’ o'tkazuvchanligi, mg/ms Pa	0,003
Zarbiy shovqinning pasayishi indeksi, dB, kamida	20
Yonuvchanlik guruhi	G2, V2. D3
Ishlatish harorati, °C	-60...+800

14.17-rasm. Ko‘pik polietilen


Petrofom va boshqa markalardagi ko'pik polietilenlar quyidagi texnologiya bo'yicha tayyorlanadi: ekstruderga polietilen, talk konsentrati, bo'yoq, antipiren dozatorlar orqali solinadi. Komponentlar qizdirilib eritiladi, aralashtiriladi, aralashmaga izobutan va glitserin monostearati qizdirib, eritilgan holda qo'shiladi, gomogen massa sovutish zonasiga o'tadi, to'rlar paketi orqali filtrlanadi va «rukava» ko'rinishida siqib chiqariladi. Bosimning keskin pasayishi hisobiga izobutan ajraladi va massani ko'pirtiradi. Material sovitiladi, diskli pichoq yordamida kesiladi, static elektr zaryadini olish uchun ionizatordan o'tkaziladi. Massaning tarkibi quyidagicha:

Talk konsentrati	1%
Glitsirin monostearati	1-1,5%
Izobutan	6-7%
Polietilen	89-90,5%

Polifom- kimyoviy tikilgan ko'pikpolietilen, uch o'lchamli strukturaga ega bo'lgani uchun mexanik va issiqlik ta'sirlariga bardoshlidir. Mustahkam ko'pikpolietilen plastmassa tasmalari, aluminiy folgasi, qog'oz, tekstil va shu kabilar bilan termolaminatsiya usulida kuchaytiriladi. Uning o'rtacha zichligi 50-200 kg/ m³ issiqlik o'tkazuvchanlik koeffitsiyenti (+10°C) 0,39-0,06 W/(m.°C), ishlatish harorati -60"C dan +90°C gacha.
Qurilishda Polifom Petrofom ishlatiladigan joylarda hamda truboprovodlar uchun yostiqchalar, turboizolatsiya, tonnellar izolatsiyasi va shu kabilar ishlatiladi.


14.4.3. Issiqlik izolatsiyasi buyumlarining ishlatilishi


Shamollatiladigan fasadlar. Binolarda 70% issiqlik tashqi devorlar orqali yo'qotiladi. Muammoning samarali yechimi shamollatiladigan fasadlarda polimer IIM ishlatishdir.
Binolar fasadlarini kompleks ravishda issiqlik izolatsiyasi bilan ta'minlash texnologiyasi bir yo'la ikki muhim masalani hal qiladi. Birinchidan, devorlarni issiqlik izolatsiyalash binolarni isitishga sarf bo'ladigan energiyani 45% gacha tejaydi. Ikkinchidan, sifatli issiqlik izolatsiyasi xonada qulay yashash sharoitini saqlaydi, tashqi agressiv muhitdan (namlik, mog'orlash, korroziya, kondensatsiya va shu kabilar) va «sovuq yolaklar», harorat tirqichlari hosil bo'lishidan saqlaydi. Shamollatiladigan fasadlarda devor va bezak qatlami o'rtasida issiqlik izolatsiyasi qoplamasi oralig'ida tashqi muhit bilan bog'langan havo qatlami qoldiriladi. 11M sifatida mineral paxta, penopoliuretan, penopolistirol, folga yopishtirilgan penopolietilen, tashqi bezak sifatida esa keramogranit, sement tolali buyumlar, metallar, sayding (PVX va shu kabi) ishlatiladi.