Qurilish materiallari

Penopolivinilxlorid bikr va elastik ko'rinishlarda ishlab chiqari­ladi. Bikr polivinilxlorid -60°C dan +60°C haroratda xossalarini qisman o'zgartiradi. U, odatda, sarg'ish rangda boladi, tarkibiga turli pigmentlar kiritib, istalgan rangdagi buyum tayyorlanadi (14.15-rasm). Plitalar 500x750 mm, qalinligi 35-70 mm. Uning o'rtacha zichligi 95-195 kg/m³, λ = 0,06~ W/(m.°C), 24 soat ichidagi suv shimuvchanligi 0,3%, ishchi harorati 70°C. Ular plitalar, qurilish konstruksiyalari, va truboprovodlarning issiqlik izolatsiyasi uchun ishlatiladi.





14.15-rasm. Penopolivinilxlorid


Mipora karbamid-formaldegid polimeri tarkibiga ko'pirtiruvchi va qotiruvchi komponentlar kiritib olinadigan juda yengil material (14.16-rasm). Uning o'rtacha zichligi 10-20 kg/ m³ issiqlik o'tkazuvchanligi 0,026-0,03 W/(m.°C), ishlatish harorati 110^eC gacha. Gigroskopikligi va mustahkamligining pastligi miporaning kamchiligi hisoblanadi. Mipora karkas konstruksiyalar, truboprovodlar va sovitkichlarning issiqlik izolatsiyasi uchun ishlatiladi. Karbamid smolasi, kukun to'ldirgich, qotiruvchi va gaz hosil qiluvchi komponent aralashmasini sovuq holda ko'pchitib, o'ta yengil yacheykali polimerbetonlar olinadi. Ularning o'rtacha zichligi 80-200 kg/m³, siqilishdagi mustahkamligi 2-8 MPa. Fenol-formaldegid penoplasti ushbu polimer tarkibiga shisha tolasi yoki kauchuk hamda kauchuk va gaz hosil qiluvchi aluminiy kukuni kiritib tayyorlanadi. Tarkibiga kauchuk qo'shilgan fenol-formaldegid penoplastlarning ishchi harorati 200-250°C.





14.16-rasm. Mipora


Ko'pik polietilen. «Resurs» (Rossiya) kompaniyasi ko'pik polietilen asosida Petrofom, Alyufom Gold savdo markalari asosida issiqlik izolatsiyasi materiallari ishlab chiqarmoqda (14.17-rasm). Petrofom yuqori samarali issiqlik - tovush va gidroizolatsiya materiali hisoblanadi. Petrofomning ishlatish joylari: binolarning devorlari, pol, poydevor va tom issiqlik izolatsiyasi, parket hamda laminat tagligi va shu kabilardir. U 18-35 kg/m³ o'rtacha zichlikda va quyidagi parametrlarda ishlab chiqariladi: