Qurilish materiallari, buyumlari

7.2. Uskunalar, mebel va inventarlari xarajatlari.
Jamoat va ma’muriy binolar smeta-resurs normalarida hisobga olingan asbob-uskunalarga, komplekt tipovoy texnologik va laboratoriya asbob-uskunalari, apparaturalar va asboblar kiradi, ularning tarkibi va tavsif-nomasi qoida bo‘yicha normalarni harakati davrigacha o‘zgarmas holda qoladi.
Ko‘rsatilgan binolar inventarlarga quyidagilar kiradi:
a) ishlab chiqarish inventari, ya’ni ishlab chiqarishga oid predmetlar, ular texnologik jarayonlarni (ishchi stollar, verstaklar, asbob-uskunalar, mehnatni muhofaza etish uchun xizmat qiluvchi shkaflar, stellajlar sh.o‘x) yengillatish va uni bajarish uchun sharoit yaratishadi.
b) xo‘jalik predmetlari, ya’ni idora va boshqa mebel va jihozlash (stollar, stullar, shkaflar, veshalkalar, garderoblar va sh.o‘x) hamda xo‘jalik va xizmatga mo‘ljallangan predmetlar va xonalarni yig‘ishtirish yong‘inga qarshi inventarlar, orgtexnika vositalari va boshqalar.
Namunaviy asbob-uskunalar va inventarlar tarkibida, shu bilan birga resurs-smeta normalarida quyidagilar ko‘rsatilmaydi:
qurilish - montaj ishlari tarkibida kiritilgan mebel qurilmalari;
ichki xonalarini qimmatbaho predmetlar (gilamlar, rasmlar va h.k.) jihozi;
maishiy-xo‘jalik ahamiyatiga ega mayda predmetlar va yumshoq inventarlar (ovqatlanish idishlari, kanselyariya ashyolari va h.k.);
xizmat ko‘rsatish xodimlari uchun maxsus kiyimlar, yangi tuzilayotgan kutubxonalarni, kitob fondi va h.k.
Ayrim hollarda, o‘rnatilgan tartibda ruxsatnoma bo‘lsa, resurs smeta nor-malariga yumshoq va mayda inventarlarni kiritilishiga yo‘l qo‘yiladi.
Resurs normalari butun bir ob’yektga ayrim maxsus xonalarni normalar-ini ajratib ko‘rsatilgan holda ko‘rsatilishi lozim. Resurs smeta normalarida, shuningdek qabul etilgan o‘lchov birligi ko‘rsatkichlari ham ko‘rsatiladi (o‘rin, o‘quvchi va h.k.).
Har bir resurs normalari to‘plamlari tarkibida, yangi qurilish va hara-katdagi ob’yektlarni ta’mirlash, kengaytirish resurs smeta hujjatlaridan foydalanish tartibi va shartlari to‘plamning texnik qismida belgilab berilgan.
Resurs normalari O‘zbekiston Respublikasi “Davarxitektqurilish” tomonidan tasdiqlanib, respublika smeta normalari deb ataladi.
Resurs smeta normalari to‘plamlarini ro‘yxati 1 ilovada berilgan
Yangi qurilayotgan hamda kengaytirilayotgan va ta’mirlanayotgan jamoat va ma’muriyat maqsadiga mo‘ljallangan ob’yektlarni dastlabki asbob-uskunalar va inventarlar bilan jihozlash resurs smetalari, amaldagi resurs smeta normalari to‘plamlari asosida ushbu maqsad uchun tuzilib, tegishli butun bino uchun, qabul etilgan o‘lchov birligi ko‘rsatkichlari (o‘rin, o‘quvchi va h.k.) asosida tuziladi.
Harakatdagi ob’yektlarni kengaytirish resurs smeta hujjatlari tuzishda resurs smeta normalari ko‘rsatkichlarini o‘sishidan qabul etilgan kengaytirish loyihalarini, ya’ni qo‘shimcha o‘lchov berish miqdoridan foydalaniladi.
Resurs smeta normalarining namunaviy ro‘yxatida inventarlar, asbob-uskunalarni turi, markasi ko‘rsatilmagan bo‘lsa, buyurtmachi ularni boshqa-lariga almashtirishga haqlidir, agar ular loyiha hujjatlarida ko‘rsatilgan asbob-uskunalar va inventarlar vazifasini bajara olsa.
5.1-jadval.
Jamoat va ma’muriy binolar asbob-uskunalari va inventarlarning resurs smeta normalari to‘plamlari. Ro‘yxati

To‘plamlar	To‘plamlar nomi
	Davolash va profilaktika ob’yektlari:
2	Sanatoriylar, dam olish va turizm muassasalari
4	Tug‘ruqxonalari
5	Ko‘p ixtisosli kasalxonalar
6	Ambulatoriya – poliklinika muassasalari
7	Bolalar kasalxonalari
8	Ixtisoslashtirilgan kasalxonalar
9	Shoshilinch va kechiktirib bo‘lmaydigan tibbiy yordam stansiyalari
	Madaniy – ma’rifiy ob’yektlar:
21	Klublar, madaniyat uylari, teatrlar, sirklar
22	Kinoteatrlar
23	Kinematografiya ob’yektlarining yordamchi xizmatlari. Film bazalari.
	Maishiy xizmat ko‘rsatish ob’yektlari:
31	Maishiy xizmat ko‘rsatish korxonalari
32	Hammomlar
	Savdo va umumiy ovqatlanish ob’yektlari:
41	Savdo va umumiy ovqatlanish korxonalari
	O‘quv yurtlari ob’yektlari:
51	Umumta’lim maktablari va maktablarning huzuridagi internatlar
52	Kasb-hunar kolledjlari va akademik liseylar
53	Bolalar maktabgacha muassasalari
55	Bolalar uylari va maktablar – yetim bolalar, ota-onalarining vasiyligisiz qolgan bolalar uchun internatlar
56	Oliy ta’lim o‘quv yurtlari
	Kommunal ob’yektlar:
61	Birinchi, ikkinchi va yuqori A va B darajali mehmonxonalar
	Transport ob’yektlari:
71	Fuqaro aviasiyasi ob’yektlari
72	Yo‘lovchilarga xizmat ko‘rsatadigan avtomobil shox bekatlari va avtovokzallar
	Ma’muriy ob’yektlar:
81	Ma’muriy binolar