Question tags ▪️ Ingliz tilida 'question tag' deb darak gapning oxirida shu gapdagi ma'lumotni tasdiqlash yoki tekshirish

Question tags

▪️ Ingliz tilida 'question tag' deb darak gapning oxirida shu gapdagi ma'lumotni tasdiqlash yoki tekshirish uchun beriladigan savolga aytiladi. Bu savol darak gapdagi yordamchi fe'l va eganing olmosh shaklidan tashkil topadi.

▪️ Question tag shaklidagi savolning ikkita asosiy qoidasi mavjud:


1. Birinchi qoida: agar darak gap boʻlishli boʻlsa, 'question tag' boʻlishsiz (inkor) boʻladi.

- You are coming (➕) to the party, aren't you? (➖)

2. Ikkinchi qoida: agar darak gap boʻlishsiz boʻlsa, 'question tag' boʻlishli boʻladi.
- You won't tell (➖) anyone about it, will you ? (➕)

▪️ Misollar:

- Tom and Jill hope to get married, don't they?
- There are a lot of people there, aren't there?
- This isn't a good bag, is it?

⚠️Yuqoridagi misollardan shuni bilib olish kerakki, 'question tag' qisqa boʻlishi uchun unda ega sifatida faqat kishilik olmoshlari va there bilan boshlangan gaplarda there so'zinig o'zi ishtirok etadi.

▪️ 'Question tag'ning qo'shimcha qoidalari:

1. Let's… - Keling… birikmasi bilan boshlanadigan gaplarda 'question tag' ... shall we? shaklida boʻladi.

- Let's dance, shall we?

- Let's go to the cinema, shall we?

2. Buyruq gaplarda 'question tag' har doim ... will you? shaklida boʻladi.

- Open the door, will you?

- Don't sleep at the lesson, will you?
- Let him carry the shopping, will you? (Yuqoridagi Let’s …. , shall we? qurilmasidan farqlay bilish lozim. Bu yerda Let … buyruq gapni boshlab kelmoqda.)

3. Qoʻshma gaplarda asosiy mazmun ifodalangan gapdan kelib chiqqan holda 'question tag' hosil qilinadi.

- He won't mind if I leave early, will he?

- I think he is a bit irresponsible, isn't he?
- I thought they moved to London, didn't they?
- He was sleeping when I came, wasn't he?

▪️Ba'zibir istisno holatlarni koʻrib chiqamiz:

1. 
   nobody/nothing/no/none/never/nowhere/neither va oʻxshash inkor ma'noli soʻzlar qatnashdan darak gaplarda 'question tag' boʻlishli boʻladi:
   
   
   

- Nobody came, did they?
- Nothing was stolen, was it?
- They have never been to Australia, have they?
- There is no water in the pool, is there?

2. somebody/someone/anybody/anyone/everybody/everyone olmoshlari qatnashgan darak gaplardan 'question tag' hosil qilinganda they koʻplikdagi olmoshi va koʻplikdagi yordamchi fe'l ishtirok etadi.

- Everybody is here, aren't they?

- Somebody has left their notebook, haven't they?

3. Hozirgi zamonda I am… deb boshlanadigan darak gaplarda 'question tag' …, aren't I? shaklida boʻladi.

- I am too fat, aren't I?

⚠️Koʻpchilik qiynaladigan vaziyat - bu have/has/had fe'llarining boʻlishli gaplarda qoʻllanishidir. Bu fe'llar ham asosiy fe'l, ham yordamchi fe'l boʻlib qoʻllana oladi va ba'zan buni aniqlash qiyin boʻladi.

▫️ Bu fe'llar asosiy fe'l yoki have to modal fe'li sifatida qoʻllanilganda, ulardan keyin zamonni koʻrsatadigan boshqa fe'l boʻlmaydi va 'question tag' da yordamchi fe'l sifatida do/does/did qoʻllanadi.

• 
  They have a shower every morning, don't they?
  - He has to go now, doesn't he?
  - She had to bring the book, didn't she?
  
  
  

▫️Bu fe'llar yordamchi fe'l sifatida qoʻllanilganda, ulardan keyin asosiy fe'l ishtirok etadi va have/has/had fe'llarining oʻzlari shunday shaklda 'question tag' da qoʻllaniladi.

- They have answered all the questions, haven't they?

- He has been to the USA many times, hasn't he?
- He had been there before we arrived, hadn't he?