Quduqni ishlatishga tayyorlash

1.9-rasm. Sof gaz konlari
2) neft hoshiyali gaz konlari. Bunday konlarda sof gaz holatidagi uglevodorodlar umumiy uglevodorodlar hajmining 3/4 qismidan ko‘prog‘ini tashkil qiladi, ya’ni 1> Vo > 0.75 bo‘ladi.

1.10- rasm. Neft hoshiyali gaz konlari
3) neftli gaz konlari. Bunday konlarda gaz holatidagi uglevodorodlar ko’proq va suyuq holatidagilari kamroq hajmni egal­laydi, ya’ni 0,75 > Vo >0,50 bo‘ladi .

1.11-rasm. Neftli gaz konlari
4) gazli neft konlari. Bunday konlarda gaz holatidagi uglevodorodlar suyuq holatdagi uglevodorodlarga nisbatan kamroq hajmni egallaydi, ya’ni 0,50>Vo>0,25 bo‘ladi.

1.12-rasm. Gazli neft konlari
5) gaz do’ppili neft konlari. Bunday konlarda sof gaz holatidagi uglevodorodlar umumiy kon hajmining 1/4 qismidan kamroq, ya’ni Vo < 0,25 bo‘ladi.

1.13-rasm. Gaz do’ppili neft konlari
6) sof neft konlari. Bunday konlarda erkin holda gaz holatidagi uglevodorodlar uchramaydi.

1.14- rasm. Sof neft konlari
7) neftgazkondensat konlari. Bunday konlarda uglevodorodlar­ning uch turi gaz, kondensat va neft har xil miqdordagi nisbat­larda uchrashi mumkin

1.15-rasm. Neftkondensat konlari
8) gazkondensatli konlar bunday konlar va gaz konlarining bir turi bo‘lib, unda gazsimon uglevodorodlar tarkibida erigan xoldagi suyuq uglevodorodlar, ya’ni kondensat bo’ladi.

1.16- rasm. Gazkondensatli konlar
Keltirilgan tasnifdan ko’rinib turibtiki, uglevodorodlarning joylashish holatiga qarab konlarning ko’rinishi har xil bo’lar ekan. Demak, ularni loyihalashtirish, ishlash va ishlatish jarayonlari ham har xil bo‘ladi. Shuning uchun uglevodorod koni topilgandan keyin u avvalo qaysi turdagi neft yoki gaz koniga mansub ekanli­gi aniqlanadi va shunga ko’ra loyihalash ishlari olib boriladi.