Qo‘shiq tanlash va uni o‘rgatish tamoyillari

MAVZU: “QO‘SHIQ TANLASH VA UNI O‘RGATISH TAMOYILLARI”.
 

1

1. O‘zbek qo‘shiqchiligi va uning tarixiy shakllanishi
2. O‘zbek xalq musiqa ijodini o‘rganish tarmoqlari
3. Тa’lim jarayonida zamonaviy ta’limni tashkil etish asosida qo‘shiqlarni o‘rgatishning usullsri
4.Mahalliy uslublarga xos o‘zbek xalq musiqa ijodini o‘rganish usullari
5..Umumta’lim maktablarining musiqa ta’lim darslarida mehnat va mavsum marosim qo‘shiqlarini o‘rgatishning maqsad va vazifalari

1. O‘zbek qo‘shiqchiligi va uning tarixiy shakllanishi
San’at va adabiyot shu jumladan, xalq og‘zaki ijodining har bir barkamol asari ma’lum bir tarixiy zamin, iqtisodiy - hayotiy, ijtimoiy, siyosiy, ma’naviy talablari asosida ijod etiladi va ommalashadi.
O‘zbek xalq og‘zaki ijodi shu jumladan, xalq qo‘shiqlari va ularning turlari uzoq davrlar davomida shakllangan bo‘lib, ular xalqimizning turli sharoitlaridagi turfa marosimlar va boshqa shu kabi jarayonlar bilan uzviy bog‘liq. Ular o‘z zamonasini ijodiy mahsuli bo‘lib, biz uchun o‘tmishni tarixiy yodgorligi hamdir.
Xalq og‘zaki poetik ijodi — mehnatkash omma ijodi, xalq badiiy faoliyatining tarkibiy qismi, xalq san’atining boshqa turlaridan (musiqa, teatr, raqs, o‘yin, tasviriy va amaliy san’at hamda boshqalardan) o‘ziga xos xususiyatlari bilan ajralib turadigan og‘zaki so‘z san’atidir.
Har bir xalqning asrlar idealini aks ettirgan boy og‘zaki so‘z san’ati bo‘lganidek, o‘zbek xalqining ham og‘zaki adabiyoti durdonalari mavjud. Mehnatkash omma tomonidan og‘zaki yaratilib, xalqning talantli vakillari ijrosida sayqal topib, avloddan-avlodga o‘tib kelayotgan badiiy asarlar o‘zbek xalq poetik ijodini tashkil etadi.
Har bir qo‘shiq ma’lum tarixiy sharoitda yuzaga kelib rivojlanish xalq qo‘shiqlarini mazmuni voqelikning lirik havasini badiiy o‘zlashtirib, ya’ni yuz bergan hodisa, faktlarga munosabat his-tuyg‘u va kayfiyat orqali ifodalanadi. Mana shu xususiyatdan kelib chiqib ulug‘ mutafakkirlar qo‘shiq haqida o‘z fikrlarini bayon etganlar..
2