Qoraqalpoq davlat universiteti

Uyga vazifa
“Ilm-u hunar – kamolot belgisi” mavzusida matn yaratish va unda Farhod timsolini yoritish
19-mavzu. Navoiy asarlarida kasb hunar madhi
I. Og‘zaki nutq:
▲ 1-tоpshiriq. Quyidagi hikoyatni qunt bilan o‘qing. Mazmunini kasb-hunar bilan bog‘lang va o‘zaro fikr almashing.

Hotami Toyiga bir ko‘ngli ochiq odam dedi:

- Ey himmatda erkin tabiat kishi, saxiylik kafingga odat bo‘lganidan buyon o‘zingga o‘xshagan kishini hech ko‘rdingmi?
U dedi:
- Bir kuni men hamma uchun yig‘in qildim. Unga o‘sha cho‘ldagi odamlarning hammasini chaqirdim. Pishirish uchun yuzta tuya qurbon qilindi: so‘yilgan qo‘y - qo‘zilarning ham son - sanog‘i yo‘q edi. Bazm bo‘lib turgan vaqtda birpas havo olgim kelib, dasht tamonga chiqdim. Aylanib yurib bir qari cholni ko‘rdim. U orqasiga bir quchoq tikan - o‘tin ortgan edi. U yuk gavdasini egib, hassa bilan vujud uyiga ustun tirkagan edi. Har qadam tashlaganda, birpas to‘xtab, har dam olganda ma’lum bir fursat o‘tardi. U chekayotgan azob o‘ti ko‘nglimni yondirib yubordi, rahm -shafqat bilan unga shunday xitob qildim:
- Ey qaddini mashaqqat yuki bukkan, tanasida g‘am tikanlari o‘rnashgan odam! Dashtda yurib xabaring bo‘lmadimi? Nega Hotamning uyiga bormading? U hammani o‘zining uyiga chaqirib, yaxshi-yu yomonni bugun mehmon qilmoqda-ku! O‘tinni tashla, izzat gulshaniga bor, mashaqqat chekib o‘ltirmay, tur, chaqiriqqa bor! U mening (uning ahvolidan) iztirob chekkanligimni tushunib, bosh ko‘tarib kuldi -yu, shunday javob berdi:
-Ey oyog‘ini ochko‘zlik band etgan, bo‘yniga g‘araz va qizg‘anchiqlik sirtmoq boylagan, ey g‘ayrat vodiysida qadam bosmagan, himmat qal’asiga bayroq tikmagan odam, sen ham bu tikan tashish azobini tortib ko‘r. Hotami Toyi minnatini esa torta berma. Qiynalib, mashaqqat bilan bir diram topish birov bergan xazinadan yaxshiroqdir.

II. Nazariy ma’lumot