Qora qalpoq indd

Jobalastırılǵan jumıs haqqında esap úlgisi
91-qosımsha
Nókis rayonı «Sultanbek» fermer
xojalıǵınıń 2017-jılda jobalastırǵan 
jumıslarınıń orınlanıwı haqqında
ESAP
Xojalıq iyeligindegi egin egiletuǵın 100 gektar 
jerge jıl basında 10 túrdegi egin egiw jobalastırılǵan 
edi. Sonnan 8 túrdegi egin egildi. Eki túri - ukrop hám 
chesnok sharayat joqlıǵı sebepli egilmey qaldı. Jıl 
aqırında jobadaǵı 2000 tonna ornına 2030 tonna palız 
ónimleri alındı. 3 gektar júzimzarda 90 tonna júzim 
jetistirildi. Bul jobadan 26 tonna kóp. Pomidor, piyaz, 
geshir gektar basına aldınǵı jılǵa qaraǵanda usı jılı 3 
tonna kóbirek jetistirildi. Kartoshka jobadan 3 tonna 
kem alındı. Sebebi - qurt tústi, waqtında agrotexnika 
ilajı ótkerilmedi.
Xojalıǵımız ishinde órnek kórsetken aǵzalarımız 
tómendegiler:
1. T.Tursınbaev
2. S.Rustemova
3. K.Xojambergenov
4. T.Sabırbaev
Jıl juwmaǵı boyınsha materiallıq hám ruwxıy 
xoshametlewde bulardıń xızmetin esapqa alıwıńızdı 
sorayman.
Fermer xojalıǵı
baslıǵı: (qolı) S.Xalıqnazarov
2018-jıl 5-yanvar

---

238
239
Xızmet saparı hám baslıqtıń anıq tapsırmasın orınlaw 
boyınsha jazılǵan esaplar belgili dáwirdegi islengen 
jumıslar boyınsha jazılǵan esaptan bir qansha parıqlanadı.
Zárúrli bólimleri:
1. Teması: mákeme baslıǵınıń lawazımı, atı hám 
ákesiniń atınıń bas háripleri, familiyası, kim tárepinen 
qanday tapsırma ushın esap berilip atır.
2. Hújjettiń atı (Esap).
3. Esap teksti («Siziń tapsırmańız boyınsha» 
túrindegi sóz dizbekleri menen baslanadı, tapsırma qalay 
orınlanǵanlıǵı anıq maǵlıwmatlar menen bayan etiledi; 
juwmaq islenedi).
4. Qosımshalar kórsetiledi (kóp jaǵdaylarda).
5. Esap beriwshiniń lawazımı, atı hám ákesiniń atınıń 
bas háripleri, familiyası, qolı.
6. Sáne.