Qora qalpoq indd

2.4. Satıp alıwshınıń májbúriyatları:
- satıp alǵan tovar haqısın óz waqtında tólew;
- tovardı óz waqtında qabıl etip alıw;
- shártnama shártlerine tolıq ámel etiw;
- satıwshıǵa jetkerilgen zıyandı qaplaw;
- satıwshı tárepinen tovardı saqlaw ushın jumsalǵan 
zárúr ǵárejetlerdi tólew. 
Satıp alıwshı shártnamanıń tovarlar muǵdarı, 
assortimenti, sapası, pútinligi, ıdısı hám oralıwı 
haqqındaǵı shártleri buzılǵanlıǵı haqqında satıwshıǵa 
on kún múddet ishinde málim etiwi shárt.
III. Shártnama boyınsha juwapkershilik
3.1. Eger satıp alıwshıǵa onıń talabına kóre satıw 
ornında dárhal tovar haqqındaǵı maǵlıwmattı alıw 
imkanı berilmegen yamasa onıń tovardı kózden 
ótkeriw, tovardıń ózgesheliklerin tekseriw yamasa 
tovardan paydalanıwdı kórsetiwdi talap etiw huqıqı 
támiyinlenbegen bolsa, ol usaqlap satıw aldı-sattı 
shártnamasın dúziwden tiykarsız bas tartılǵanlıǵı 
sebepli ózi kórgen zıyandı tólewdi satıwshıdan talap 
etiwge, eger shártnama dúzilgen bolsa, belgilengen 
múddette shártnamanı orınlawdan bas tartıwǵa, tovar 
ushın tólengen summanı qaytarıwdı hám jetkerilgen 
zıyandı qaplawdı talap etiwge haqılı.
Satıp alıwshıǵa tovar haqqında tiyisli maǵlıwmat 
alıw imkanın bermegen satıwshı tovar satıp alıwshıǵa 
tapsırılǵannan soń tovarda payda bolǵan kemshilikler 
ushın da, eger satıp alıwshı bul kemshilikler ózinde 
bunday maǵlıwmat bolmaǵanlıǵı sebepli payda 
bolǵanın dálillese, juwapker boladı.

---

80
81
3.2. Eger de tovar satıp alıwshıǵa ıdıssız hám 
oralmaǵan halda yamasa tiyisli ıdısqa jaylastırılmaǵan 
hám tiyisli dárejede oralmaǵan halda tapsırılǵan 
jaǵdayda, satıp alıwshı satıwshıdan tovardı ıdısqa 
jaylastırıw hám orawdı yamasa tiyisli bolmaǵan ıdıs 
hám orawdı almastırıwdı talap etiw yaki bul talaplardı 
qoyıw ornına usı shártnamanıń 3.3-bánti birinshi 
bólimindegi talaplardı qoyıwǵa haqılı.
3.3. Ózbekstan Respublikası Puqaralıq kodeksiniń 
434-statyasına kóre satıp alıwshıǵa sapası tiyisli dárejede 
bolmaǵan tovar satılǵanında, eger onıń kemshilikleri 
shártnama dúziw waqtında málim etilmegen bolsa, satıp 
alıwshı óz qálewine kóre:
dál sonday markadaǵı (modeldegi, artikuldaǵı) 
sıpatı tiyisli dárejede bolǵan tovarǵa almastırıwdı;
satıp alıw bahasın qayta esaplaǵan halda basqa 
markadaǵı (modeldegi, artikuldaǵı) sapası tiyisli 
dárejede bolǵan tovarǵa almastırıwdı;
tovardıń kemshiliklerin biypul saplastırıwdı yaki 
satıp alıwshı yamasa úshinshi shaxs tárepinen tovardıń 
kemshiliklerin saplastırıw ushın jumsalǵan ǵárejetler 
qaplanıwın;
satıp alıw bahasın proporcional tárizde kemeytiwdi;
kórilgen zıyan ornın qaplaǵan halda shártnama 
biykar etiliwin talap etiw huqıqına iye. 
Tovar ushın tólengen pul summasın satıp alıwshıǵa 
qaytarıw waqtında satıwshı onnan tovardan tolıq 
yamasa belgili dárejede paydalanǵanlıǵı, tovar kórinisi 
joǵalǵanlıǵı yamasa basqa usıǵan uqsas halatlar sebepli 
tovar qunı qansha páseygen bolsa, sonsha summanı 
uslap qalıwǵa haqılı emes. 
3.4. Satıwshı shártnama boyınsha májbúriyattı 
orınlamaǵan jaǵdayda, zıyandı qaplaw hám shártti 
orınlamaǵan tárep tóleytuǵın járiymanı tólew satıwshı 
májbúriyatın negizgi halında orınlawdan azat etpeydi.
3.5. Eger de satıp alıwshı shártnamanıń tovarlar 
muǵdarı, assortimenti, sıpatı, pútinligi, ıdısı hám oralıwı 
haqqındaǵı shártleri buzǵanlıǵı tuwralı satıwshıǵa on 
kún múddet ishinde málim etpese, satıwshı shártler 
buzılǵanlıǵı nátiyjesinde kelip shıǵatuǵın aqıbetler 
ushın juwapker bolmaydı.