Qora qalpoq indd

TALAPNAMA
Otız jeti million somlıq kondicioner jetkerip 
beriw májbúriyatın orınlaw hám keshiktirilgen 
kúnler ushın penya tólew
Qaraqalpaq mámleketlik universiteti hám «Texnika» 
juwapkershiligi sheklengen jámiyeti ortasında 37 000 
000 somlıq kondicionerdi (10 dana) jetkerip beriw 
haqqında 2018-jıl 10-fevralda 3-sanlı shártnama 
dúzilgen.
Shártnamanıń 2.1-bántine tiykarlanıp 15% aldın ala 
tólem – 5550000 (bes million bes júz eliw mıń) som 
2018-jıl 13-fevralda esap betińizge 5-sanlı tólew hújjeti 
tiykarında ótkerip berilgen. Shártnamanıń 2.2-bántine 
tiykarlanıp «Buyırtpashı» aldınan tólewdi ámelge 
asırǵannan soń «Jetkerip beriwshi» 5 kún ishinde 
tovarlardı jetkerip beriwi belgilengen.
Shártnamanıń 3.4-bántine tiykarlanıp «Jetkerip 
beriwshi»ge tovarlardı belgilengen sapada, muǵdarda 
hám múddette «Buyırtpashı»ǵa jetkerip beriliwi kerek 
bolǵan tovarlar 15% aldınan tólew – 5550000 (bes 
million bes júz eliw mıń) som 2018-jıl 13-fevralda esap 
betińizge ótkerip berilgenligine qaramastan jetkerip 
berilmegen hám bunıń menen shártnama shártleri 
buzılǵan.
Shártnamanıń 4.6-bántinde, sonday-aq, Ózbekstan 
Respublikasınıń «Xojalıq júrgiziwshi subyektler 
xızmetiniń shártnamalıq-huqıqıy bazası haqqında»ǵı 
nızamınıń 
25-statyasında 
«Jetkerip 
beriwshi» 
jetkerip berilmegen yamasa jetkerip beriw múddetleri 
keshiktirip jiberilgen tovardıń hárbir keshiktirilgen kúni 
ushın belgilengen tártipte 0,5 payızdan penya tólew

---

268
269
(bul jetkerip berilmegen tovar muǵdarınıń 50 payızınan 
aspawı kerek), biraq tólengen penya táreplerdi 
shártnama májbúriyatların orınlamaǵanlıǵı ushın 
juwapkershilikten, kontrakt shártlerin orınlamaw 
tiykarında jetkerilgen materiallıq zıyandı qaplaw hám 
tovarlardı jetkeriw májbúriyatınan azat etpeytuǵınlıǵı 
belgilengen. Siziń tárepińizden bolsa 48 kún esabında 
37000000 (otız jeti million) somlıq kondicioner (10 
dana) keshiktirilgen.
Joqarıdaǵılardan kelip shıǵıp, kárxanańızǵa 48 kún 
keshiktirilip jetkerip berilmegen 37000000 (otız jeti 
million) somlıq tovar ushın tovar summasınıń (48 x 
0,5%) 24 procent muǵdarında 8400000 (segiz million 
tórt júz mıń) som penya summası esaplanadı.
Usı jaǵday Ózbekstan Respublikası Puqaralıq 
kodeksiniń 333-statyasında «Qarızdar ayıbı bolǵan 
jaǵdayda májbúriyattı orınlamaǵanı yamasa tiyisli 
dárejede orınlamaǵanı ushın, eger nızam hújjetlerinde 
yamasa shártnamada basqasha tártip belgilenbegen 
bolsa, juwap beredi» dep kórsetilgen. Ózbekstan 
Respublikası Joqarı ekonomikalıq sudınıń Ózbekstan 
Respublikasınıń 2020-jıl 4-marttaǵı 103-sanlı «Xojalıq 
júrgiziwshi subyektler xızmetiniń shártnamalıq-huqıqıy 
bazası haqqında»ǵı nızamın ekonomikalıq sudları 
ámeliyatında qollanıwdıń ayırım máseleleri haqqında»ǵı 
2007-jıl 15-iyundaǵı 163-sanlı «Májbúriyatlardı 
orınlamaw yamasa tiyisli dárejede orınlamaǵanlıǵı 
ushın múlklik juwapkershilik tuwralı puqaralıq nızam 
hújjetlerin qollanıwdıń ayırım máseleleri haqqında»ǵı 
qararlarında da májbúriyattı orınmalaǵanı ushın 
qarızdardıń juwapker bolıwı aytılǵan.
Sol tiykarda, Ózbekstan Respublikası «Xojalıq 
júrgiziwshi subyektler xızmetiniń shártnamalıq-huqıqıy
bazası haqqında»ǵı nızamınıń 7-, 17-19- hám 
25-statyalarına, Ózbekstan Respublikası Puqaralıq 
kodeksiniń 
333-statyasına 
tiykarlanıp 
Sizden 
tómendegilerdi:
1. Usı esaplanǵan 8400000 (segiz million tórt júz 
mıń) som penya summasın tómendegi esap betine 
ótkeriwińizdi;
2. 37000000 somlıq kondicionerlerdi (10 dana) 
jetkerip beriw májbúriyatın orınlawıńızdı