Qo‘qon davlat pedagogika instituti «110000 – Pedagogika» ta’lim sohasi bakalavriat ta’lim yo‘nalishlar uchun fanlardan kurs ishlarini tayyorlashga doir yo‘riqnoma Kirish

Kurs ishining hajmi A 4 formatdagi 25-30 varaqdan iborat bo‘ladi. Har bir sahifada 30 ta satr, har bir satrda 60 ta belgi (so‘zlar orasidagi o‘tishlar va tinish belgilarini hisoblagan holda) bo‘lishi kerak. O‘ngdan-3sm, chapdan – 1 sm, yuqoridan 2,5 sm, pastdan – 2,5 sm joy qoldiriladi. Sarlavha va sarlavhachalar asosiy materialdan 3 interval hajmda ajratiladi va bosma xarflar bilan yoziladi.
Ish mantiqiy izchillikda, adabiy tilda yoziladi. Unda murakkab qo‘shma gaplardan, shuningdek, o‘ta sodda gaplarni ishlatish maqsadga muvofiq emas.
Mening kuzatishimcha, men hisoblaymanki, mening fikrimcha tarzida 1-shaxs birlik nomidan gapirish o‘rniga Bizning kuzatishimizcha, biz hisoblaymizki, bizning fikrimizcha kabi iboralardan foydalanish maqsadga muvofiq.
Kurs ishini yozishda yagona uslub saqlanishi,hozirgi o‘zbek (rus) adabiy tilining orfografik,sintaktik va stilistik me’yorlariga amal qilinishi lozim.
5.Xulosa. Kurs ishining bu qismida ishning muallif tomonidan ishlab chiqilgan asosiy natija va xulosalari keltiriladi. Ularning amaliy ahamiyati, ish natijalarining joriy qilinish imkoniyatlari va mavzuni kelgusida tadqiq qilish istiqbollari ko‘rsatiladi.
Xulosaga qo‘yiladigan asosiy talab, uning qisqa va mulohazaliligidir:
Unda ishning mazmunini butunligicha qaytarish shart emas. Xulosa quyidagi savollarga javob bera olishi kerak:
a) talaba nima uchun aynan ushbu tadqiqotni amalga oshirdi?
b) qanday ishlar amalga oshirildi?
v) muallif qanday xulosalarga keldi?
6.Foydalanilgan adabiyotlar ro‘yxatida asarlar mualliflarining familiyasi ko‘rsatilib alfavit tartibida tuziladi. Bunda O‘zbekiston Respublikasi Prezidenti asarlari, “Ta’lim to‘g‘risidagi Qonun”, Prezident farmonlari, Vazirlar Mahkamasi qarorlari kabi me’yoriy xujjatlar birinchi tartibda yoziladi.
Ro‘yxatga muallif tomonidan ishni yozish jarayonida foydalanilgan barcha adabiyotlar kiritiladi (bunda ular qaerda nashr qilinganidan qa’tiy nazar alohida nashr, to‘plam,jurnal,gazeta bo‘lsa ham albatta ko‘rsatilishi shart).
Ro‘yxatda manbalar umumiy raqamlashtirilgan holda keltiriladi. Manbaning ma’lumotlari ko‘rsatilayotganida muallifning ismi-familiyasi,
asarning nomi, nashr qilingan joyi va yili, sahifalarning umumiy soni beriladi.
Masalan:
1.R.Rasulov. O‘zbek tilida holat fe’llari va ularning obligator valentliklari – Toshkent “Fan”, 1989, - 189 b
2.R.Rasulov Umumiy tilshunoslik (darslik) – Toshkent; “YAngi asr avlodi”. 2007, -277 b.
3.S.Karimov Zulfiya ijodida neologizimlar // «Tilshunoslikning dolzarb masalalari» ilmiy ishlar to‘plami. Toshkent, 2008- B 19-24.