Qo‘qon davlat pedagogika instituti «110000 – Pedagogika» ta’lim sohasi bakalavriat ta’lim yo‘nalishlar uchun fanlardan kurs ishlarini tayyorlashga doir yo‘riqnoma Kirish

2.Mundarija. Bunda kurs ishining rejasi va uning bob, bo‘limlari ko‘rsatiladi. Mundarija kurs ishining tuzilishiga qa’tiy mos bo‘lishi qisqa, lo‘nda, ketma-ketlikda va aniq tarzda uning ichki mantiqini ochib berishi zarur. SHuningdek, unda ishning har bir bobi va paragrafi qaysi sahifadan boshlanishi aniq ko‘rsatiladi.
3.Kirish. Kurs ishining bu qismida tadqiqot mavzusining dolzarbligi, uning asosiy xarakteristikalari (tadqiqotning muammosi, ob’ekti, predmeti, maqsad-vazifalari, gipotezasi) ko‘rsatiladi.
Kirish qismida, shuningdek, tadqiqotning asosiy g‘oyasi xaqida ham ma’lumot beriladi. Bu qismda adabiyotlarga havolalar berish lozim ammo, ko‘plab sitatalarni keltirish shart emas.Ishning kirish qismi A-4 formatda, 2-3 varoqdan iborat bo‘lishi zarur.
Kurs ishida tadqiqotning asosiy xarakteristikalari to‘g‘ri shakllantirilganligini bilish uchun quyidagi savollarga javob berishga xarakat qilinishi kerak:
- kurs ishi muammosini aniqlashda – Oldin o‘rganilmagan muammolardan qaysi birini o‘rganish zarur?
- kurs ishi mavzusini tanlashda – Tadqiqot muammosi kurs ishi mavzusida o‘z aksini topganmi?
- kurs ishida dolzarblikni asoslashda – Nima uchun aynan shu muammoni bugun o‘rganish shart?
- kurs ishi ob’ektini belgilashda – Nima tekshiriladi?
- kurs ishi predmetini aniqlashda – Ob’ektning qaysi yangi jixatlari, munasabatlari aspektlari, tomonlari, funksiyalari tadqiq qilinishi zarur?
- kurs ishi maqsadini shaklantirishda – Maqsadga erishish uchun nima qilish kerak? Amalga oshiriladigan vazifalar vositasida maqsadga erishish mumkinmi?
- kurs ishi gipotezasini ilgari surishda – Tadqiqot maqsadiga erishish uchun qaysi yo‘ldan borish zarur ?
- ochiq himoyaga olib chiqilayotgan holatlarni aniqlashda – Tadqiqotning ob’ekti va predmetida boshqalar sezmagan qanday xususiyatlar bor? va h.k.
Kurs ishi talabalarni pedagogik tadqiqotga jalb qilishning birinchi bosqichi bo‘lganligi tufayli unda barcha xarakteristikalarni ko‘rsatib berish shart emas. Ularning ayrimlarigina, xohishga ko‘ra,aniqlantirilishi mumkin (masalan gipoteza). Xarakteristikalarni shaklantirish ilmiy rahbar malakasi mahorati, talabaning tayyorgarligi, tadqiqot mavzusining spetsifikatsiyasi va boshqa vaziyatlarga bog‘liq bo‘ladi.
Kurs ishi mavzusini kelgusida chuqurrok, kengroq doirada o‘rganib, uni bitiruv malakaviy ish sifatida davom ettirmoqchi bo‘lgan talabalar tadqiqot ilmiy tuzilmasining barcha qisimlarini jiddiy o‘ylab ko‘rishi zarur.