Qoplama hosil qiluvchi polimerlar texnologiyasi

5. “Aqliy hujum” – (Brain Storming) usuli universal qo’llanish xarakteriga ega. Bu usul birinchi bo’lib 1933 yilda Obara (AQSh) tomonidan qo’llanilgan. «Miyaviy hujum» ning vazifasi mikroguruh yordamida yangiyangi g’oyalarni yaratishdir (mikroguruhning yaxlitligidagi kuchi uning alohida a’zolarining kuchlari yig’indisidan ko’p bo’ladi). “Miyaviy hujum” muammoni hal qilayotgan kishilarning ko’proq, shu jumladan aql bovar qilmaydigan va hatto fantastik g’oyalarni yaratishga undaydi. G’oyalar qancha ko’p bo’lsa, ularning hech bo’lmaganda bittasi ayni muddao bo’lishi mumkin. Bu “miyaviy hujum” ning negizidagi tamoyildir.

«Miyaviy hujum» quyidagi qoidalar bo’yicha o’tkaziladi:

• fikr hech qanday cheklanmagan holda, iloji boricha balandroq ovozda aytilishi lozim;

• har qanday fikrni aytish mumkin, u qabul qilinadi.

• g’oyalarga tushuntirish berilmaydi, ular vazifaga bevosita bog’liq holda aytiladi;

• takliflar berish to’xtatilmaguncha, aytilgan g’oyalarni tanqid yoki muhokama qilishga yo’l qo’yilmaydi;

• ekspert guruhi barcha aytilgan takliflarni yozib boradi.

“Miviy hujum” to’xtatilgandan so’ng, ekspertlar guruhi aytilgan barcha g’oya (fikr) larni muhokama qilib, eng maqbulini tanlaydi.

“Miyaviy hujum” ni ma’ruzalarda yakka tartibda yoki juftlik (uchlik) da, amaliy va seminar mashg’ulotlarda esa, 4 – 8 kishidan iborat mikroguruhlarda, shuningdek, guruh bo’yicha ham o’tkazish mumkin. Miyaviy hujum mashg’ulotlarda talabalar faolligini oshirishga, charchoqni yo’qotishga, barchani mavzuning eng maqbul echimini izlashga sharoit yaratadi. Pedagogik texnologiya asosida mashg’ulotning maqsad va vazifalarini belgilashda «miyaviy hujum» o’tkazish algoritmi 5rasmda ifodalangan.