Qoplama hosil qiluvchi polimerlar texnologiyasi

KONVEKTIV USUL
Usul asoslari: konvektiv usulda buyum va lok-bo’yoq materiallari qavatini isitish atrofdagi havoning issiqligini uzatish hisobiga amalga oshiriladi. Issiqlik sirtga beriladi va sekin-asta qoplama ichiga tarqaladi, shuning uchun qoplamaning qotishi xam yuzadan qoplama-gaz muhitida amalga oshadi. Bu qotirish usuli optimal emas.

Suyuq lok-bo’yoq materiallarida biroz qurigan materiallarning sirtda hosil bo’layotgan qatlami diffo’ziya va qoplamaning ichki qavatlaridagi erituvchini chiqib ketishini sekinlatadi; kukun bo’yoqlarda esa yuzadagi qizdirilgan polimer qavati havo va boshqa material bo’laklarini chiqishiga xalaqit beradi. Gazlarning past issiqlik o’tkazuvchanligi natijasida (havo uchun 100⁰Sda λ=0,028 Vt/(m·⁰S) shunda xam metallardan 1000 marotaba past). Issiqlikni konvektiv uzatishda qoplamani faqatgina buyum bilan bevosita kontaktda bo’ladigan qavatlari qabul qiladi. Issiqlik uzatishni yaxshilash maqsadida isitilgan gazlar aralashmasini qo’llanadi, bu esa qo’shimcha energiya sarfini yuzaga keltiradi. Shunday qilib konvektiv qotirish usuli kam effektli bo’lib, energiya sarfi ko’p. Biroq undagi bir qator afzalliklarga egaligi bilan tushuntiriladi: universalligi, yumshoqligi va bir xilda isitish, konstruktsiyasining soddaligi va quritish qurilmasini oson ekspluatatsiyasida.