Qonuni aholi bandligi to‘G‘risida

27-modda. Ish qidirayotgan shaxslarga va ishsiz shaxslarga maslahat berish
Mahalliy mehnat organlari xodimlari maslahat berish chog‘ida ish qidirayotgan shaxslarga va ishsiz shaxslarga:
Oldingi tahrirga qarang.
aholi bandligi to‘g‘risidagi qonunchilik;
(27-modda birinchi qismining ikkinchi xatboshisi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
bo‘sh (vakant) ish o‘rinlari mavjudligi, shu jumladan tegishli hududda joylashgan tashkilotlarda bo‘sh (vakant) ish o‘rinlari mavjudligi, bo‘sh (vakant) ish o‘rinlaridagi mehnatga haq to‘lash miqdori va boshqa mehnat sharoitlari;
yangidan tashkil etiladigan ish o‘rinlari va rivojlantirish dasturlari;
kasbga tayyorlash, qayta tayyorlash va malaka oshirishdan o‘tish imkoniyatlari hamda shartlari;
haq to‘lanadigan jamoat ishlarida ishtirok etish imkoniyatlari;
Oldingi tahrirga qarang.
ish qidirayotgan shaxslarga va ishsiz shaxslarga taqdim etiladigan ijtimoiy kafolatlar va mehnat to‘g‘risidagi qonunchilikning normalari;
(27-modda birinchi qismining yettinchi xatboshisi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
zaxiraga qo‘yiladigan ish o‘rinlariga joylashtirish tartibi;
o‘zini o‘zi band qilgan shaxs maqomini olish tartibi;
subsidiyalar va grantlar;
xususiy tadbirkorlik ishini tashkil etish imkoniyatlari, startap-loyihalarini qo‘llab-quvvatlash choralari, shuningdek namunaviy biznes-rejalar;
aholi bandligini ta’minlashga qaratilgan loyihalarni mikrokreditlash dasturlari;
O‘zbekiston Respublikasidan tashqarida uyushgan holda ishga olish bo‘yicha vaqtinchalik mehnat faoliyatini amalga oshirish imkoniyatlari;
xususiy bandlik agentliklari;
ish qidirayotgan shaxslarga va ishsiz shaxslarga mahalliy mehnat organlari tomonidan ko‘rsatiladigan xizmatlarning boshqa turlari to‘g‘risida axborot taqdim etadi.
Murojaat etgan shaxsga u belgilagan masala bo‘yicha to‘liq ma’lumot berish imkoni bo‘lmagan taqdirda, mahalliy mehnat organining xodimi takroran maslahat berish kuni va vaqtini belgilashi kerak.