Qon tizimiga ta’sir etuvchi vositalar

(Antiagregantlar)

Organizmda tromboksan – prostatsiklin sistemasi trombositlar agregasiyasini boshqaradi. Ikkalasi ham araxidon kislotasining hosilasi siklik endoperoksidlardan hosil bo‘ladi. Trombositlarda sintezlanadigan tromboksan A₂ (TX A₂) ta’sirida, trombositlar agregasiyasi ortadi va tomirlarning keskin torayishi (vazokonstriksiya) kuzatiladi (7.1-rasm). Turg‘un bo‘lmagan (t_½=30 sek) tromboksanning trombositlar agregasiyasini kuchaytirish ta’sir mexanizmi quyidagicha bo‘lishi mumkin: u tromboksan retseptorlariga ta’sir etib, fosfolipaza S faolligini oshiradi, hamda inozitol 1,4,5-trifosfat va diatsilglitsirolni hosil bo‘lishini kuchaytirib,trombositlarda Ca⁺⁺ miqdorini oshiadi.