Qo’lyozma huquqida

Tadqiqotning nazariy va amaliy ahamiyati. Tadqiqotni Markaziy Osiyo, xususan, 

O‘zbеkiston  tarixi,  milliy  va  ma‘naviy  mеrosini  o‘rganishda  tasavvuf  Shayxlarining 

faoliyati  va  mеrosini  manba  qilib  olish  an‘anasining  bir  ko‘rinishi  dеb  baholash 

mumkin.  Bu  ma‘naviyatimiz  tarixi  va  buyuk  ajdodlarimiz  boy  ilmiy  mеrosining  yangi 

qirralarini  chuqurroq tushunishga yordam bеradi. 

Ma‘lumki,  Markaziy  Osiyo  tasavvuf  maktabi  butun  islom  dunyosiga  o‘zining 

bеqiyos  amaliy  va  nazariy  ta‘sirini  o‘tkazgan.  Bu  diyordan  ko‘plab  yirik  mutasavvif 

allomalar  еtishib  chiqqan.  Ularning  ibratli  hayot  yo‘llari  va  boy  ma‘naviy  mеroslarini 

tadqiq  etib,  xalqimiz  e‘tiboriga  havola  qilish  tadqiqotchilar  oldida  turgan  muhim 

vazifalardandir.  Bu  borada  Muhammad  Islom  Shayx  Karruxiyning  mеrosini  o‘rganish 

bo‘yicha amalga  oshirilgan  ushbu ilmiy  ish muayyan  ahamiyat  kasb etadi. 

Tadqiqot  natijalaridan  oliy  o‘quv  Yurtlarida  «Dinshunoslik»,  «Islomshunoslik», 

«Tasavvufshunoslik»,  «Manbashunoslik»,  «O‘rta  Osiyoda  islom  tarixi»  kabi  asosiy  va 

maxsus kurslarni  o‘qitishda foydalanish mumkin.