Qirg‘og‘i toraygan qutlug‘ daryoga Irg‘itsang vujudim cho‘g‘lari o‘chgay

Qirg‘og‘i toraygan qutlug‘ daryoga

Irg‘itsang vujudim cho‘g‘lari o‘chgay.

Cho‘zilsam hotirjam miskin dunyoga

Ko‘ngilga pishqirgan sokinlik ko‘chgay.

Tasavvur qopini neytron misol

Sochib yuborsam gar yetti iqlimga.

Ishq deya atalgan anavi dajjol

Kishan sololmaydi mening aqlimga.

Qovurg‘am nigohi nafratga to‘la

Yolg‘izlik hasrati faqat unga hos.

Yolg‘onga aylanib haqiqat o‘lat

beg‘amlik ko‘lida suzgandi holos.

Ro‘yobga shaylangan ozurda tushning

Qafasi nuraydi to‘rt tomonidan.

Cho‘qqida qonoti g‘ajilgan qushning

Ajalvor simirdim issiq qonidan.

Endi ko‘ngil to‘lmas qadah to‘lmasa

Ortimdan ergashgan soyani quvlab

Jadal yelib kel ey hansiragan vaqt.

Ko‘ngilning uzilgan torlarin ulab

Endi qovjiragan qorachiqdan balq!

Ko‘ngilning kesilgan torlarin ulab

Qonsiz qovjiragan qorachiqdan balq.