Qayta kristallash ishning maqsadi

2-tajriba. Suvni haydash (distillash)
Suyuqliklarni haydash uch turga bo‘linadi: normal bosimda, kamaytirilgan bosimda va suv bug‘i bilan haydash.
Qizdirilganda hech qanday o‘zgarishlarga uchramaydigan moddalar yoki tozalanayotganda yuqori qaynash temperaturasiga ega bo‘lmagan suyuqliklarni haydash uchun normal bosimda haydash usullaridan foydalaniladi.
59 rasmda ko‘rsatilgan suvni haydash asbobini yig‘ing.
Asbob Vyurs kolbasi, sovitgich va yig‘uvchi kolbadan iborat. Vyurs kolbasining 13 qismiga vodoprovod suvidan quying va mis kuporosi eritmasidan oz miqdorda qo‘shing. Tozalanayotgan suyuqlikning bir tekis qaynashi uchun kolbaga bir tomoni kavsharlangan shisha kapilyarlaridan bir nechtasini soling. Kolbani lapka yordamida shtativga o‘rnating, kolbaning tagiga asbestlangan setkali dumaloq tutqichni mahkamlang. Boshqa shtativga sovitgichni o‘rnating. Kolbaning o‘tkazuvchi naysini sovitgichning ichiga 4-5 sm ga (probkani ham hisoblaganda) mahkam holda birlashtiring. Sovitgichni suv bilan to‘ldiring. Kolbani termometr tiqilgan probka bilan shunday yopingki, termometrning simobli sharchasi kolbaning o‘tkazuvchi nayidan pastroqda bo‘lsin. Asbob yig‘ilgandan so‘ng termometr to‘g‘ri turganligini va probkalar to‘g‘ri tanlanganligini tekshirib ko‘ring. Shundan so‘ng distillat uchun yig‘uvchi kolbani qo‘ying va eritmani qaynaguncha qizdiring. 5-10 ml suvni haydab oling. Uning xossalari bilan tanishing. Buning uchun soat shishasiga olingan distillangan suvning bir necha tomchisini tomizing va gorelka bilan bug‘lating. Boshqa idishda shunday tajribani boshlang‘ich suyuqlik bilan o‘tkazing.
Bug‘latish natijalarini solishtiring. Xulosa chiqaring.