Qayd raqami: № 2020 y

Fanning o‘quv rejadagi boshqa fanlar bilan o‘zaro bog‘liqligi va uslubiy jihatdan uzviy ketma-ketligi

Talabalarning fanini o‘zlashtirishlari uchun o‘qitishning ilg‘or va zamonaviy usullaridan foydalanish, yangi informatsion-pedagogik texnologiyalarni tadbiq qilish muhim ahamiyatga egadir. Fanni o‘zlashtirishda darslik, o‘quv va uslubiy qo‘llanmalar, ma’ruza matnlari, tarqatma materiallar, gerbariylar va kolleksiyalardan foydalaniladi. Fanning o‘qitish turlari dasturda ko‘rsatilgan mavzular ma’ruza, amaliy mashg‘ulotlar shaklida olib boriladi. Shuningdek atroflicha bilim olishni ta’minlash maqsadida talabalarga mustaqil ish mavzulari ham beriladi. Fanni zamonaviy pedagogik uslublar – “Klaster”, “Bumerang”, “Debashlar” tarzida o‘tish ham ko‘zda tutilgandir. Ma’lumotlar ko‘rgazmali o‘quv qurollari, kodoskop, multimedia, mikroskop, total va kesmali preparatlar yordamida olib boriladi. Ma’ruza, amaliy darslarida mos ravishdagi ilg‘or pedagogik texnologiyalardan foydalaniladi.

fanning o‘quv rejadagi boshqa fanlar bilan o‘zaro bog‘liqligi

Hozirgi zamon tabiiy fanlar konsepsiyasi o‘quv jarayonini o‘zlashtirishda talaba: tabiiy fanlardan umumiy o‘rta ta’lim va o‘rta-maxsus kasb-hunar ta’limi doirasidagi bilimlarga ega bo‘lish; tabiat va jamiyatning bog‘liqligi to‘g‘risidagi umumiy tushunchalarga ega bo‘lishi; fanlar rivojlanish tarixi to‘g‘risida tasavvurga ega bo‘lishi; O‘rta Osiyo allomalari to‘g‘risida umumiy ma’lumotlarga ega bo‘lishi; Koinot, Quyosh, Er to‘g‘risida tasavvurga ega bo‘lishi; Erda hayotning paydo bo‘lishi to‘g‘risida tasavvurga ega bo‘lishi; tirik organizmlar va atrof muhit omillari to‘g‘risida bilimlarga ega bo‘lishlari lozim. Tabiiy fanlar tizimidagi barcha o‘quv fanlariga oid adabiyotlarni tahlil qilish; zamonaviy pedagogik va axborot texnologiyalaridan foydalanib dars ishlanmalari, referatlar tayyorlash; o‘quvchilar bilish faoliyatini faollashtirish, tashkil etish, boshqarish malakalariga ega bo‘lish; dunyoni ilmiy-falsafiy anglash; tabiatni bilish bo‘yicha aniq fikr-mulohaza yurita bilish; tabiatni asrash; tabiatdagi sodir bo‘ladigan voqea-hodisalarga to‘g‘ri baho bera bilish haqida ilmiy bilimlar, amaliy o‘quv va ko‘nikmalariga ega bo‘lishi kerak.