Qashqadaryo viloyati

T/R	Bo’limlar
Vaqti
1	Tashkiliy qism	3 daqiqa
2	O`tgan mavzuni mustahkamlash	5 daqiqa
3	Yangi mavzu bayoni	15 daqiqa
4	Yangi mavzuni mustahkamlash	10 daqiqa
5	O`quvchilarni rag`batlantirish. Darsni yakunlash.	10 daqiqa
6	Uyga vazifa	2 daqiqa
Jami		45 daqiqa

I.Tashkiliy qism:
Salomlashish
O’qituvchi: Aziz bolajonlar, bugungi darsimiz ochiq dars mashg’uloti, mazkur dars jarayonida faol ishtirok etib, bilimli, zukko o’quvchilar ekanligingizni namoyish etishingizga ishonaman. Demak, ochiq dars mashg’ulotimizni boshlaymiz.
Navbatchi axboroti: Sinfda men navbatchi
Hamma gapdan xabarchi
Bugun mart oyining 17-kuni
Havo iliq, kam bulut, muborak kun chorshanba.
Sinf xona ozoda, stol-stul bir tekis
Doska toza, bo’r tayyor,
Kitob, daftar shay bari
Barchamiz darsga tayyor.
O’qituvchi: yaxshi unda darsimizni boshlasak ham bo’ladi. Bugungi darsimizning shiori :
Barkamol avlod bo’lib, el -yurtga xizmat qilish
Kitobga oshno bo’lib, doim olg’a intilish
Hurmatli o’quvchilar kuni kecha biz ona tilimiz – o’zbek tiliga Davlat tili maqomi berilganligining 31 yillik tantanalarini butun respublikamiz bo’ylab keng nishonladik. Davlat tili to’g’risidagi qonun va umuman tilimiz haqida nimalarni bilasiz?
Azamat: O’zbekiston Respublikasi oliy kengashining 1989-yil 21-oktabrda bo’lib o’tgan sessiyasida ona tilimizga davlat tili maqomini berish to’g’risidagi qonun qabul qilindi. Har yili shu kunni biz Ona tili kuni sifatida keng nishonlaymiz.
Guljaxon: milliy munosabatlarni yaxshilash maqsadida va osoyishtalikni ko’zlab, “Davlat tili to’g’risida” gi Qonunga ba’zi o’zgartirishlar kiritildi va 1995-yilning 21-dekabrida O’zbekiston Respublikasining yangi taxriridagi “Davlat tili haqida”gi qonuni e’lon qilindi.
Komil: qonun 24 ta moddadan iborat bo’lib, mazkur qonunning 1-moddasida shunday so’zlar yozib qo’yilgan. O’zbekiston Respublikasining davlat tili- o’zbek tilidir.
Ruxshona: O’zbek tiliga davlat tili maqoining berilishi respublika hududida yashovchi millat va elatlarning o’z ona tilini qo’llashdan iborat konstitutsiyaviy huquqlariga mone’lik qilmaydi (2-modda).
San’at: O’zbekiston Respublikasida yashovchi shaxslarga ta’lim olish tilini erkin tanlash huquqi beriladi.(6-modda)
Sevinch:O’zbekiston Respublikasida davlat tiliga yoki boshqa tillarga mensimay yoki husumat bilan qarash taqiqlanadi. (24-modda)
Muxlisa: Tog’lar, daryolarni tinglab ko’rganman
Yer va osmon bilan sirlashganman ko’p
Mangu shamol bilan suhbat qurganman
Oltin bog’lar bilan she’rlashganman xo’b
Ertaklar tingladim kapalaklardan
Gullarning tilidan tera oldim bol
Va ona so’zlarni tanib olganman
Qaldirg’ochlar bilan so’rashganda hol

Osmonlar, olamlar, toshlar, giyohlar

Neki bor azal va abad yo’lida,
Neki bor … So’ylagan menga muqarrar
Sirlarini faqat o’zbek tilida

Hikmatlar diyori, o, ona tilim

Jondek oqajaksan tomirlarimda
Sen ko’nglim mehvari, sen ro’xim yo’li
Har lahza gullaysan satrlarimda.

O’qituvchi: Hurmatli o’quvchilar, hayot yo’llaringizda doimo ona tilimizga hurmat bilan munosabatda bo’ling, uni asrab avaylang, e’zozlang. Ona tilimizning qadr qimmatini oshirish uchun bor say’- g’ayratingizni ayamang. Zero til ham Vatan kabi, ona kabi muqaddasdir.

Bugungi darsimizning oltin qoidalari: O’zaro hurmat, intizom va o’ng qo’l qoidasi.