Qarshilik shaxta pechi tuzilishini o’rganish, parametrlarini Hisoblash va ishlashini eksperimental tadqiq qilish

Qarshilik shaxta pechi tuzilishini o’rganish, parametrlarini Hisoblash va ishlashini eksperimental tadqiq qilish.


Ishning maqsadi:
Qarshilik shaxta pechi tuzilishi, ishlash prinsipi,quvvat va haroratni rostlash elektr sxemasi bilan tanishish. Asosiy parametrlarini aniqlash va qizdirish elementlarini tanlash. Elektr shaxta pechlarida qizish jarayonlarini o’rganish.


1. Nazariy qism
1.1. Elektr shaxta pechlari.
Кamera pechlari bilan bir qatorda shaxta elektr pechlari ham o’zlarini soni jihatidan davriy ishlovchi umumsanoat elektr pechlarining asosiy qismini tashkil qiladi [1]. Shaxta pechlari dumaloq, kvadrat yoki to’rtburchak shaxta shakliga ega bo’lib, ustki qismidan qopqoq bilan bekitiladi. Shaxta pechi konstruksiyasining asosiy elementlari pech kamerasi, qizdirish elementlari, pech tagi va tagligini ko’tarish mexanizmidan iboratdir. Tuzilishi va ekspluatasiya qilish bo’yicha eng sodda mufelsiz pechlar xisoblanadi. Ular listli va profil po’latdan qilingan vertikal silindr kojuxdan iborat bo’lib, uning ichida issiqlikdan izolyasiyalovchi futerovka va qizdirish elementlari joylashtiriladi. Ushbu tipdagi va ishchi fazosi o’lchamlari katta bo’lmagan (diametri taxminan 600 dan 1000 mm gacha) pechlar sanoatning turli sohalarida har xil mahsulotlar va detallarga termik ishlov berish uchun qo’llaniladi.
Кamera pechlariga nisbatan shaxta pechlari quyidagi afzalliklarga ega [2] :
1) Кran-balka, telьfer va boshqa universal ko’tarish mexanizmlarini qo’llash orqali maxsulotlarni qo’yish va olishni mexani-zasiyalashtirish imkoni;
2) Кamera foydali hajmidan etarli ravishda foydalanish;
3) Pech qobiqini gaz o’tmaydiganligi va qopqoqini zichlashtirish qurilmasi borligi tufayli kamera ishchi fazosini germetik yopiqligiga erishiladi, shu orqali detallarga termik ishlov berishda oksidlanishga yo’l qo’yilmaydi va issiqlik isrofi kamayadi..
Bundan tashqari elektr shaxta pechlari uzun o’lchamlarga ega bo’lgan mahsulotlarga masalan vallar, shtangalar, quvurlar, tortish aslahalari va boshqa vertikal holatda ishlov beriladigan mahsulotlarga, ishlov berishda juda muhim hisoblanadi. Bu mahsulotlar pechda maxsus moslamalar yordamida osib qo’yiladi va bu qizdirishda minimal deformasiya bo’lishni ta’minlaydi.
Shaxta pechining ishlash prinsipi qizdirish elementlari orqali elektr toki oqqanda issiqlik ajralib chiqishiga asoslangan.
Elektr shaxta pechlarida haroratni rostlash xuddi kamera pechlarida bo’lgani kabi pechь iste’mol qilayotgan quvvatni o’zgartirish, xususan ikki pozisiyali rostlash orqali amalga oshiriladi.