Qarshi davlat universiteti amaliy matematika va informatika kafedrasi

Nazorat uchun savollar

1. 
   Word dasturi to’g’risida nima bilasiz?
   
2. 
   Word dasturi qanday ishga tushiriladi?
   
3. 
   Word da oynalar bilan qanday ishlanadi?
   
4. 
   Word menyularining ahamiyatini nimada?
   
5. 
   Fayl menyusi.
   
6. 
   Format menyusi.
   
7. 
   Servis menyusi.
   
8. 
   Word da jadvallar qanday tashkil qilinadi?
   
9. 
   MS Word ning imkoniyatlari qanday?
   

Mavzu-7. MS Excel elektron jadvali haqida ma’lumot.Excel oynasining tuzilishi.

Microsoft Excel dasturida menyu bo’limlarining tavsifi.

R E J A :

5. 
   MS Excel elektron jadvali haqida ma’lumot.
   
6. 
   Ms Excel oynasining tuzilishi haqida ma’lumot.
   
7. 
   MS Excel elektron jadvalida menyu bandlarining vazifasi.
   

Ma’lumotlarni jadval ko’rinishida tasvirlash ularni tahlil qilishni ancha soddalashtirish, hisob-kitoblar samaradorligi va sifatini oshirish uchun avtomatlashtirilgan hisoblashlarni joriy qilish maqsadida elektron jadvallar bilan ishlash maqsadga muvofiqdir.

Jadval ko’rinishida tasvirlanadigan masalalrni yechish uchun maxsus amaliy dasturlar paketlari ishlab chiqilgan bo’lib, ular elektron jadvallar yoki jadval prosessori deb ataladi.

Elektron jadvallar, avvalo iqtisodiy masalalrni yechish uchun muljallangan, lekin uning yordamida muhandislikka doir masalalarni hal qilishda ham, masalan, formulalar bo’yicha hisob-kitoblarda muvaffaqiyatli ishlatilmoqda.

Elektron jadvallar qo’llanilayotgan sohalar juda ko’p bo’lib, ular:

• 
  moliyaviy buxgalteriyaga oid;
  
• 
  xususan ish haqini hisoblash;
  
• 
  har xil iqtisodiy-texnik hisoblar;
  
• 
  kundalik, xujalik mollari va mahsulotlarni sotib olish va boshqalar.
  

Excel Microsoft Office paketi tarkibidagi dastur bo’lib, u Windows operatsion sistemasi boshqaruvida ishlovchi hamda ma’lumotli elektron jadvallarni tayyorlash va qayta ishlashga muljallangan amaliy dasturlardan biri.

MS Excel da tayyorlangan har bir xujjat (fayl) ning ixtiyoriy nomi va xls kengaytmasi bo’ladi.

Microsoft Excel da, odatda, bunday fayl «Ish kitobi» (Workbook) deb yuritiladi. Excel ning asosiy ish sohasi-bu «Ish kitobi» bo’lib, u bir yoki bir necha ish varaqlaridan iborat. Ish varag’ida buxgalter (hisobchi) kitobi kabi, sonlar, matnlar, arifmetik ifodalar, hisoblar qator va ustunlarda joylashgan bo’ladi.

Excel ning buxgalter kitobidan asosiy farqi shundaki, barcha hisob ishlarini jadvalning o’zi bajaradi, lekin ma’lumotlarni kiritish foydalanuvchi zimmasida qoladi albatta.

Excel elektron jadvali 16384 (row) qator va 256 ustun (collumn) dan iborat. Qatorlar 1 dan 16384 gacha bo’lgan butun sonlar bilan tartiblangan bo’lsa, ustunlar esa lotin alifbosining bosh harflari (A, B,…, Z, AA, AB, …, IV) bilan belgilangan. Qator va ustun kesishmasida elektron jadvalning asosiy tarkibiy elementi-yacheyka (cell) joylashgan. Har bir yacheykaga son, matn yoki formula tarzidagi ma’lumotlar kiritiladi. Ustun kengligini va qator balandligini sichqoncha orqali o’zgartirish ham mumkin.

Jadvalning tanlangan yacheykasiga o’tish uchun aniq manzil (adres) ko’rsatilishi kerak. U qator va ustun kesishmasida, masalan A1, V4, F9, AB3 kabi ko’rsatiladi.