Qarori davlat soliq xizmati organlari faoliyatini yanada takomillashtirish chora-tadbirlari to‘G‘risida

7-bob. Hududlararo inspeksiya faoliyatini baholash
31. Hududlararo inspeksiya faoliyatini baholash har chorakda Qo‘mita tomonidan amalga oshiriladi.
32. Hududlararo inspeksiya faoliyatini baholash natijalari bo‘yicha Qo‘mita xulosasi:
Hududlararo inspeksiya rahbarlari va xodimlarini rag‘batlantirish (mukofotlash) yoki intizomiy javobgarlik choralarini ko‘rish;
Hududlararo inspeksiya faoliyatida aniqlangan kamchiliklarni bartaraf etish va kelgusida uning faoliyatini takomillashtirish bo‘yicha choralar ko‘rish uchun asos bo‘ladi.
8-bob. Hududlararo inspeksiya faoliyatini moliyalashtirish va moddiy-texnika bilan ta’minlash, uning xodimlari mehnatiga haq to‘lash va ularni moddiy rag‘batlantirish
33. Hududlararo inspeksiyani moliyalashtirish va moddiy-texnika bilan ta’minlash, jumladan, uning xodimlari mehnatiga haq to‘lash budjetdan ajratiladigan mablag‘lar doirasida Davlat budjetidan, O‘zbekiston Respublikasi Davlat soliq qo‘mitasining Moddiy yordam, ijtimoiy himoya, soliq organlarini rivojlantirish va ko‘zda tutilmagan xarajatlar maxsus jamg‘armasi mablag‘lari, shuningdek, qonun hujjatlarida taqiqlanmagan boshqa manbalar mablag‘lari hisobiga amalga oshiriladi.
34. Hududlararo inspeksiya xodimlarining ish haqi lavozim maoshi, maxsus unvonlar, ko‘p yil xizmat qilganlik uchun ustama haqlar, dam olish va bayram kunlari uchun to‘lovlar, boshqa ustama, qo‘shimcha haqlardan iborat bo‘ladi hamda u qonun hujjatlarida belgilangan tartibda to‘lanadi.
Hududlararo inspeksiya xodimlarining lavozim maoshlariga oylik ustama va qo‘shimchalar Qo‘mita raisi tomonidan tasdiqlanadigan nizomlar asosida to‘lanadi.
Oldingi tahrirga qarang.
35. Hududlararo inspeksiya xodimlarini moddiy rag‘batlantirish, mukofotlash tartibi va turlari Qo‘mita raisi tomonidan tasdiqlanadigan tartibga asosan belgilanadi.
(35-band O‘zbekiston Respublikasi Vazirlar Mahkamasining 2021-yil 7-yanvardagi 1-sonli qarori tahririda — Qonun hujjatlari ma’lumotlari milliy bazasi, 08.01.2021-y., 09/21/1/0002-son)
36. Hududlararo inspeksiya xodimlariga O‘zbekiston Respublikasi respublika budjeti mablag‘lari hisobidan lavozim maoshlarining 20 foiz miqdorida maxsus ustama belgilanadi.
37. O‘zbekiston Respublikasi Davlat soliq qo‘mitasining Moddiy yordam, ijtimoiy himoya, soliq organlarini rivojlantirish va ko‘zda tutilmagan xarajatlar maxsus jamg‘armasi mablag‘larining Hududlararo inspeksiya tomonidan shakllantirilishi va ulardan foydalanilishi Qo‘mita tomonidan belgilanadi.