Qаrаqаlpаqstаn respublikаsi ministrler ken’esi jаnindаg’i ortа arnаwli bilimlendiriw bаsqаrmаsi

110-shınıg’ıw. Berilgen ga’plerdi oqın’. Tu’pkilikli tirkewishlerdi tawıp, qanday stillik maqsette qollanılıp turg’anın aytıp berin’.
1. Gewish jırtılıw menen ha’lek, Seydan g’arrı jamaw menen ha’lek. 2. U’ydin’ u’zikleri de g’arrının’ gewishlerinen kem jamalmag’an sıyaqlı (I.Yu.). 3. Bag’ egiw ushın ashılg’an on eki gektarday jerdi Sultan g’arrı suwg’arıp ju’r (J.M.). 4. Jaqınlag’an sayın gu’rildi qattı esitildi (X.S.). 5. Bular jıynalısta ko’riskennen beri bir-eki ret ushırastı (O’.X.). 6. Keshe men sizlerge xalıq batırları haqqında so’ylep bergen edim (Q.D.). 7. Adamlar Ra’wshannın’ ko’rsetiwi boyınsha tag’ı da iske kiristi (J.A.) 8. Bir ku’ni men sa’skege taman qaytıp keldim. 9. Hasıljan bul ret o’zin da’slepkiden de beter batıl tuttı (A.Sh.). 10. A’jiniyaz Qa’lmen ekewi to’rge jaqın otır edi (K.S.). 11. A’liyman bir na’rseler jo’ninde o’zinshe oylanıp, anda-sanda jaydın’ mu’yeshinetaman burılıp, suwıq demin alıp gu’rsine beredi (Sh.A.). 12. Biraq ha’zir emes, gu’zge salım marqa toqlıdan bermekshi (Sh.S.).
111-shınıg’ıw. To’mendegi tekstten tu’pkilikli tirkewishlerdi tawıp astın sızın’. Olardın’ qanday so’zler menen dizbeklesip kelgenligin anıqlan’.
1.Xannın’ ha’zirgi ga’pinen keyin Irısqul biydin’ moyının birew sındırıp ketkendey to’men en’terildi (T.Q.).
2. Ha’r kim aytur, ag’a ha’mdam bolsam dep,
Yolımda janımdı pida’ qılsam dep,
Mu’ba’rek jamalın ja’ne ko’rsem dep,
Taqatım qalmadı ko’rgennen beriy. (A’jiniyaz).
3. O’gizdey bolıp koz jasın’ menen betin’di juwıwg’a uyalmaysan’ ba? Bar, ana sıyır menen atqa, qoyg’a ot orıp sal. Olar azannan beri qazıqqa baylanıp ash tur ... (A.B.). 4. – Oyımnın’ to’rkini tabıldı, — dep saldı. — Men ushın bir sorawdı awılımızdın’ axunı Eshniyaz axun berse qa’ytedi? (T.Q.).
5. Qara tiyin a’lip baba,
Shawıp ketti qalamdı,
Alıp ketti shırqıratıp,
Qız da bolsa, uldan zıyat,
Ko’rer edim — Aqbilek atlı balamdı. («Edige»).