Qaraqalpaq tili mámleketlik til. Qaraqalpaq jazıwı hám onıń tariyxı Joba

Tapsırma. Gáptegi sózlerdi baylanıstırıwshı qurallardı anıqlań.

Báhárdiń kúnleri. Ǵaz úyreklerdiń kelgen waqtında SHılım kólge úsh mergen bolıp qus atıwǵa barǵan edik. Kóldiń jazdaǵıday sáni joq. Búgin salqın samal da espeydi. Átirap tıp-tınısh. Jer betin japqan jasıl giyalar da qıymılsız sıyaqlı. SHaqaların sál iyip jolawshılarǵa sátli sapar tilep atırǵanday seziledi.

Tapsırma. Sintaksislik baylanıstıń túrlerin anıqlań. Dizbekli hám baǵınıńqı baylanıstı ajıratıń.

Quyashlı kúnler kóbeydi. Uzaq-uzaq dalalarǵa kóz jiberip qaraw, biyikten oyǵa túsiw, oydan biyikke kóteriliw kewilli. ótken jıldıń maysa shóbin pıshırlatıp basıp, keń jazıqta jeke torı atlı kiyatır. Aynala dala. Adam zerigerlik dala. Atı da, iyesi de teń boldırǵan.

Tapsırma. Baǵınıńqı baylanıstıń túrlerin anıqlań. Kelisiw, basqarıw, jupkerlesiw hám úylesiw (izafet) usılında baylanısqan sózlerdi anıqlań.
Búgin miyzannıń aqırı. Hawada kóterilgen qara bult, sol bes qonaqtıń bultı ma dep otırman. (Q.E.) ernazardıń anası Qumar analıq degen bolǵan. Ol kútá asqıllı, ziyrek, sózge sheshen hayal bolıptı. Ol esengeldi máhremniń qızı eken. Xiywa xanı ernazardıń gellesin alǵan. Soń onıń tuwǵan anasın kórmekshi bolıp, bunı qanday hayal tuwdı eken dep qızıqsınıptı. (Qaraqalpaq ańızları)
Tapsırma. Sóz dizbeklerin atawısh hám feyil sóz dizbeklerine ajıratıń.

Gúllengen awıl, jol menen júriw, dárya jaǵasına barıw, kópti kórgen adam, bes qabatlı jaylar, salını orıw, biyik qırman, eki ret oqıw, tájiriybeli muǵallim, úlgili oqıwshı, salmanı qazıw, keleshek haqqında oylaw, kóp sóylew, áste júriw, júzlegen qoy, usı qız, kórkemlep oqıw, tásirli sóz.