Qachonki saqlasang o'zliging agar: Olomon yuqotsa, seni ayblasa

Qachonki saqlasang o'zliging agar:
Olomon yuqotsa, seni ayblasa,
Gumonlarga imkon qoldirib magar!
O'zgalar gumonda o'zingga ishon.
Holdan toymay kutishdan, kuta olsang sen!
Yolg'on duch kelib sen ,tutsang haqiqat.
Yoki g'azab qarshi kelganda to'sat,
Nafrating ichingga yuta olsang sen,
O'zingni donodek qilma harakat,
Boshqalardan deya bo'laman ustun!

Agarki orzuying pok bo'lsa behad

Maqsading yetaklar senga chin hamroh.
Butun vujud ila o'yla chinakam!
O'ylaringga ruh ber, jism ato et.
Agarki nogahon uchrab g'alaba
Va yoki sen mag'lub, qabul et birdek.
Agarki, bir kun sen aytgan to'gri so'z,
Vijdonsizning tuzog'i bo'lsada yolg'on!
Yoki sen hayoting baxshida etgan,
Neki bo'lsa singanin ko'rganida ko'z,
Yana qayta boshidan, tikla avvaldan!

Agarki, erishib bor yutuqlaring,

Tiksang tavakkagla quruq qimorga!
Yutqazgach boshlasang hammasin bugun,
Biror so'z aytmasang yutqazganingda,
Agarki aylasang majbur yuraging,
Ruhing va tanangga yetkazsang ozor.
Senga bo'ysunishga izni qolmasa,
Vaqosiz qolsangda bo'lolgin bardam!
Irodang bo'lsa bas bardam bo'lishga!

Agarki, so'zingdan topsang e'tibor,

Kibrlanma podshohlar ulfatim deya!
Agarki do'stingmi va yo dushmaning
Xiyonat qilsada, suyansa senga!
Sen kechirgan umr qaytmagay ortga.
Oltmish soniya, oltmish lahza seniki!
Senikidir zamin seniki zamon!
Shuning bilan o'g'lim bo'lursan inson!