Python asoslari

Python ataqlı programmalastırıw tili. Ol Guido van Rossum tárepinen jaratılǵan hám 1991 jılda shıǵarılǵan.

Python – bul úyreniwge ańsat hám usınıń menen birge múmkinshilikleri joqarı bolǵan az sanlı zamanagóy programmalastırıw tilleri qatarına kiredi. Python joqarı dárejedegi maǵlıwmatlar strukturası hám ápiwayı biraq natiyjelili obiektke jóneltirilgen programmalastırıw usılların usınıs etedi.

Stack Overflow saytınıń 2019 -jıldaǵı programmistler ortasında programmalastırıw tilleri boyınsha alıp barılǵan sorawnamasında, eń qolay hám kóp paydalanılatuǵın programmalastırıw tilleri diziminde Python JavaScriptten keyin ekinshi orındı iyelegen. Usınıń menen bir qatarda dúnyanıń Twitter, Pinterest, HP, Symantec, Instagram hám Groupon sıyaqlı iri kárxanalar áyne Python programmalastırıw tilinen paydalanıp atır. YouTube, DropBox, Google hám Quora sıyaqlı dúnyanıń ataqlı online platformalariniń programmalıq támiynatı da áyne python programmalastırıw tilinde jazılǵanlıǵı bul programmalastırıw tiline bolǵan talaptıń joqarı ekenligin ańlatadı. Python tek ǵana web salasında bálki jasalma intellekt hám robotexnika salasında da joqarı talapǵa iye til esaplanadı.