Pul va banklar

Qimmatli qog‘ozlar bozorining pasayishi va firmalarning bankrotlikka uchrashi noaniqliklarni kuchaytirdi.

Keyinchalik Koreya iqtisodiyotining eksport narxlariga salbiy ta’sir ko‘rsatgan silkinishni boshdan kechirishi chebollar va ularga biriktirilgan kichik hamda o‘rta hajmdagi firmalarning allaqachon kamaygan foyda marjasini yanada pasayishini keltirib chiqardi. 1997-yil 23-yanvarda ikkinchi marotaba muhim silkinish sodir bo‘lishi moliyaviy tizim uchun katta noaniqliklarni keltirib chiqardi: Hanbo, o‘n to‘rtinchi o‘rindagi yirik chebol o‘zini bankrot sifatida e’lon qildi. Xaqiqatan, Hanboning bankrot deb e’lon qilinishi faqatgina boshlanishi edi xolos. Yil tugashidan oldin o‘ttizta eng yirik chebolning beshtasi bankrot sifatida e’lon qilindi. Ushbu bankrotliklar va moliyaviy hamda nomoliyaviy balanslar holatining yomonlashuvi natijasida yaratilgan katta noaniqliklar natijasida katta miqdorda noaniqliklar yuzaga keldi. Noaniqliklar bevosita qimmatli qog‘ozlar bozorini o‘zining cho‘qqisidan 50%dan ortiq miqdorda keskin pasayishini keltirib chiqardi.