Psixologiya yo’nalishi

Ilmiy rahbar: _________ o’qit.Ahrorov V.

KIRISH

Mavzuning dolzarbligi Psixologik bilimlarni ijtimoiy hayotning barcha jabhalarida tatbiq etish ko’lami kengayib borishi uning mas'uliyati va nufuzi ortayotganligidan dalolat beradi. Xuddi shu bois psixolog mutaxassislarga nisbatan ijtimoiy buyurtmaning ko’payishi ularni hozirgi zamon talabiga javob beradigan darajada tayyorlashni taqozo qilmoqda. Istiqlol sharofati tufayli ilmiy yondashuvlarga, oldingi metodologik muammolarga xolisona munosabatda bo’lish imkoniyati vujudga keldi. Psixologiya fani insoning ruhiy olami, holatlarini, xulqi, insonlararo munosabatni o’rganadi. Uning amaliy yo’nalishi tadqiqot predmetining cheklanganligi bilan chegaralanib qolmasdan, balki insonni shaxs sifatida o’sishiga yordam beruvchi bir qancha jabhalarni o’ziga qamrab oladi va tekshiradi. Shu jumlada tibbiyot sohasida ham tibbiy psixologlarning kerakligi muhim ahamiyatga ega. Chunki tibbiyotni psixologiyasiz tasvvur etib bo’lmaydi. Shifoxonaga kelgan bemorlar nafaqat jismoniy balki ruhiy travmalar bilan keladi. Buni davolash uchun esa shifokorga psixologning maslaxati zarurdir.Jamiyat taraqqiyoti fan texnika revolyutsiyasi iqtisodiy o’zgarishlar insonning ruhiy ekologiyasiga ba’zan salbiy ta’sir qiladi. Agarda bunday salbiy ta’sirlar yig‘ilib qolsa toma - toma ko`l bo`lur deyilganidek odamlarning ruhiyatiga o’zgarish sodir bo’lib, ruhiy qusurlik darajasida yetish mumkin. Shuning uchun kasallik paydo bo’lishidan ilgari uning oldi olinsa, u holda barkamol shaxs bo’lib yetishuvchiga shart-sharoit yaratiladi.