Psixоlоgiya kafedrasi

Zarur jixozlar: 12 ta kvadrat qog’oz ichidagi tugallanmagan tasvir, qalam.
Ko’rsatma: «Har bir kvadratdagi tugallanmagan rasmni davom ettiring».
Tasvirlar izohi .
1. O’z-o’ziga munosabatni bildiradi.
Negativ rasm – bosh suyagi yoki portlash bo’lsa, bu tajovuskorlikdan dalolat beradi.
Quyosh – liderlik belgisi, diqqat markazida bo’lishga ehtiyoj, fantaziya qilishga moyillikning mavjudligi. Quyosh rasmini chizgan odam odatda muloqotga kirishimli, dilkash, voqea – xodisalardan doim bohabar bo’lishni yoqtiradi.
Gul – ayollik belgisi. Bunday odam uchun uning qiyofasi birinchi o’rinda turadi. Agar gulni erkak kishi chizgan bo’lsa, bu uni seksual orientatsiyasi buzilganligidan dalolat beradi. Bu unda hissiyotga beriluvchanlik, arazchanlik, xafa bo’lish hissidan dalolatdir.
Qiyofa – muloqot qilishni yoqtirish belgisi, agar qiyofa kulib turgan bo’lsa, bu hazil qilishni yoqtirishdan dalolatdir.
2. Uy va atrof muhit bilan munosabat.
Agar rasm faqat kvadratdan iborat bo’lsa, u holda bu inson uyida o’tiradigan, muloqoti chegaralangan bo’ladi.
Rasmdan tashqarida chizilgan bo’lsa – u holda sinaluvchini dunyoqarashi keng, harakatchan bo’ladi.
Agar uy rasmi chizilgan bo’lsa, u inson uyni sevadigan, komfortni yoqtiradi.
Agar rasm faqat bir oz to’ldirilgan bo’lsa, bu yuqoridagilarni o’rtachasi bo’ladi.
3. Insonni maqsadga intiluvchanligi.
Agar nayza doiraga yo’naltirilgan bo’lsa, u holda bu maqsadga intiluvchanlikdan dalolat beradi. Agar nayza doira yonidan o’tib ketgan bo’lsa, bu yuqorida aytilganlarning aksidir. Agar nayza bo’lmasa, bu insonni boshqarib bo’lmasligidan va o’z – o’zicha harakat qilishligidan dalolat beradi.
4. Muloqot qilishni yoqtirish.
Agar ob’ekt katta (qancha katta bo’lsa, shuncha yaxshi) chizilgan bo’lsa, u holda bu inson muloqot qilish yoqtiradi. Rasmning ichki tomonida elementlar qancha ko’p bo’lsa, muloqotga bo’lgan ehtiyoj shuncha ko’p bo’ladi. Agar tayoqchalar bo’lmasa, ochiqlikdan dalolatdir.
Agar biron – bir tasvir (syujet) yo’q bo’lsa, qaysarlik, odamovilik, melanxoliklikdan dalolatdir.