Psixologiya kafedrasi umumiy pedagogika nazariyasi va amaliyoti

Talabalarning mashg’ulot bo’yicha baholash mezonlari
Jami: 5 ball

1. 
   Adabiyotlar bilan ishlash va konspekt qilish. – 1 ball.
   
2. 
   Amaliy topshiriqlarni bajarish – 2 ball.
   
3. 
   “Mening oilam” mavzusida o’quv portfoliosi tayyorlash – 2 ball.
   

3-ilova

“Oila haqidagi afsonalar” o’yinini tashkil etish va o’tkazishga doir ko’rsatmalar

Maqsad: talabalarning oilaviy hayotga oid keng tarqaltan lekin noo’rin “afsonaviy” fikrlarga munosabatini aniqlash hamda ularda mustaqil fikrlar va qarashlarni shakllantirish.

Materiallar: “Qo’shilmayman”, “Qo’shilaman”, “Qisman Qo’shilaman”, “Bilmayman” kabi yozuvlar.

O’yin davomiyligi: 5 minut.

O’yinning borishi:

1. 
   Xonaning turli tomonlariga “Qo’shilmayman”, “Qo’shilaman”, “Qisman qo’shilaman”, “Bilmayman” yozuvlari yopishtirib chiqiladi.
   
2. 
   Talabalarga oilaviy hayotga oid hodisalarni aks ettiruvchi va omma orasida keng tarqalgan g’ayritabiiy fikrlar — “afsona”larni o’qib eshittiriladi. Talabalar bu fikrlarga qo’shilish yoki qo’shilmasliklarini devordagi yozuvlar yoniga borib turishi orqali namoyon etadilar. Shundan so’ng ular o’z tanlovlarini asoslab, izoxlab beradilar. O’qituvchi har tomondagi talabalarning fikrlarini boshqa talabalarni bahsga jalb etgan holda muhokama qiladi va guruhiy munozara orqali talabalarni to’g’ri javob sari yetaklaydi.
   
3. 
   Jinslar o’rtasidagi tenglik, oilaviy hayotdagi poklik va insondagi ma’naviy yetuklik hakidagi tushunchalar majmuasi quyidagicha bo’lishi mumkin:
   

1) oilada doimo erkak kishi xo’jayin;

2) ayol kishi hyech qayerda ishlamasdan uyda o’tirishi kerak;

3) oilaga pul topib kelish faqat erkak kishining ishi;

4) xotin erining ruxsatisiz hyech qayerga chiqa olmaydi.

O’qituvchi o’z ixtiyoriga ko’ra bu ta’riflar yoniga boshqalarini o’ylab topib qo’shishi ham mumkin.