Psixologiya kafedrasi umumiy pedagogika nazariyasi va amaliyoti

2. “Rotasiya” metodi mavzuni kichik guruhlarda o’rganish, asosiy g’oyalarni yozma bayon qilish hamda guruhlar tomonidan taqdim qilingan ishlarni jamoa ishtirokida tahlil qilish imkonini beradi. Mashg’ulot jarayonida metodni qo’llashda quyidagi tartibda ish ko’riladi: 1) o’rganilayotgan mavzuga doir topshiriqlar yozma ravishda bayon qilinib, yozuv taxtasiga osib qo’yiladi; 2) talabalar topshiriqlar soniga ko’ra guruhlarga biriktiriladilar; 3) guruhlar ixtiyoriy ravishda topshiriqlar paketini tanlaydilar va topshiriqni bajarishga kirishadilar; 4) topshiriqning yechimi yozma bayon qilinadi va guruh ishining ajratib olish oson bo’lishi uchun paket ustiga maxsus belgilar qo’yiladi; 5) topshiriqning yechimi bayon qilingan paketlar guruhlar o’rtasida o’zaro almashtiriladi; 6) barcha topshiriqlarning mazmuni guruhlar tomonidan o’rganilib bo’lgach, topshiriqlar paketlari yig’ib olinadi va yechimlar umumlashtiriladi; 7) yechimlar jamoada muhokama qilinib, eng to’g’ri javob tanlab olinadi.