Psixologik trening asoslari

 
 
 
 
 
 

---

205 
Xulqi og’ishgan o’quvchilar bilan psixologik korrektsion-rivojlantiruvchi 
treninglar
 
“ Me o’zimni sevaman...” trening mashg’uloti
. 
Mashg’ulot tavsiya etiladigan holatlar: guruhiy psixokorreksion faoliyatda 
hamda individual psixokorreksion faoliyatda qo’llanilishi mumkin bo’lib 
emotsional-hissiy 
sohadagi 
buzilishlar, 
jumladan 
aybdorlik 
hissini 
psixokorreksiya qilishda, shuningdek, motivatsion sohani rivojlantirishda va 
psixologik resurslarni shakllantirishda.
Ushbu mashg’ulotni bajara turib ishtirokchilar har qanday vaziyatda ham 
o’zlariga yaxshi munosabatda bo’lishlari kerakligini anglab yetishadi. U 
ishtirokchilarga o’zlarining ijobiy tomonlarini aniqlashga yordam beradi. 
Mashg’ulot orqali o’quvchida o’ziga (va atrofidagilarga agar trening guruhda 
olib borilsa) ijobiy va adekvat munosabatda bo’lish ko’nikmasini 
shakllantirishga erishish mumkin.
Mashg’ulot mazmuni:
Ishtirokchilarga (A4) formatdagi qog’oz markaziga o’zlarini chizishlarini 
ayting.
So’ng quyidagi yo’riqnomani bering:
a) rasmingiz yoniga marker yoki qalam bilan o’zingizga yoqadigan, siz 
g’ururlanadigan bitta xislatingizni yozing. Gap istalgan narsa haqida borishi 
mumkin: tashqi ko’rinish, shaxsiy xislatlar va h.k.;
b) endi qog’ozni teskari tarafini o’giring va u yerga o’zingizga 
yoqmaydigan jihatlaringizni yozing;
v) qog’ozni yana o’giring. O’zingizga yoqadigan yana bitta jihatingizni 
yozing (yoqtirgan rangingizdan foydalangan holda). Varaqni yana o’girib, 
o’zingizga yoqmaydigan yana bitta xislatingizni yozing (yoqtirmagan 
rangingizdan foydalangan holda);
g) har bir taraflarga yoqtiradigan va yoqtirmaydigan jihatlaringizni 
yozishni davom ettiring va kerakli ranglardan foydalaning;
d) har bitta yoqtirmagan jihatingizni yozib bo’lganingizdan so’ng, ularning 
yuqori qismiga “Men o’zimni sevaman, hattoki...” deb yozing;
e) o’zingizga yoqmaydigan jihatlaringiz bo’lsa ham, chakki emasligingizni 
tan oling. Kamchiliklar sizning harakatingiz tufayli paydo bo’lgan, ular sizni 
inson sifatida hech qanday ta’riflamaydi. Yodingizda bo’lsin, har qanday 
sharoitda Siz suyukli bo’lishga arziysiz.

---

206 
Shundan so’ng o’zi yozganlari asosida o’quvchi o’zini taqdimot qilishi 
kerak. Agar mashg’ulot guruhda olib borilsa ikki kishilik kichik guruhlarda 
taqdimot qilish ham mumkin.
Taqdimot amalga oshirilgach trener so’zi: har biringiz kuchli va zaif 
tomonlaringizni aniqlab oldingiz. Umid qilamizki, har biringiz o’zingizga 
kerakli jihatlarni rivojlantirib, o’zgalar bilan munosabatda kerak bo’ladigan 
ijobiy jihatlarni orttirasiz va eng muhimi o’zingizga ishonasiz!