Psixologik trening asoslari

 
Noodatiy fikrlaymiz 
 
Maqsad:
ijodkorlik, noodatiy fikrlash va mantiqiy tafakkurni rivojlantirish 
Jarayon:
ishtirokchilardan bir nechta kichik guruhlar shakllantiriladi 
shundan so’ng har bir guruhga bittadan ixtiyoriy predmet beriladi (ya’ni nomi 
aytiladi), misol uchun: baklashka, qopqog’i yoki propka, krushka, qoshiq, g’isht, 
gugurt cho’pi, qog’oz bo’lagi. Har bir guruhga bittadan predmet aytilgach, 

---

201 
guruhlarga 2-3 daqiqa vaqt beriladi shu vaqt davomida guruhlar kelishgan holda 
yuqorida berilgan predmetni o’z funksiyasidan tashqari yana nima vazifalarda 
hamda qanday hollarda ishlatish mukinligi haqida o’ylab ko’rishlari kerak va 
berilgan predmetning qo’shimcha funksiyalari ro’yhatini tuzishga harakat 
qilishlari kerak. Bunda oldindan aytib o’tish joiz, eng uzun ro’yxatni tuzgan 
jamoa g’olib deb topiladi. 
O’yindan xulosa shuki, har bir ishga, ayniqsa muammoli vaziyatga 
yondoshishda iloji boricha ijodkorlik, noodatiy fikrlash va mantiqiy tafakkurni 
ishga solib yondoshish, odatiy primitiv yo’llar orqali ish tutishdan ko’ra 
samaraliroq natija beradi. Hamda bunday yondoshuvning yana bir foydali tarafi 
shundaki, inson qiyin vaziyatga tushib qolganida, ortiqcha o’yga tolmaydi va 
zo’riqishdan holi bo’ladi hamda optimistlarcha ish tutadi. 
 
Antiqa topishmoq 
 
Maqsad: 
ishtirokchilarning topqirligini oshirish, ijodkorlikni rivojlantirish, 
faollashtirish. 
Kerakli resurslar: 
4 ta oq qog’oz va 1 ta ruchka. 
Jarayon:
oldindan 4 ta yozuvli kartochkalar tayyorlab olinadi. 1-
kartochkaga “qalampirning achchiq ta’mi”; 2-kartochkaga “yolg’onchi”; 3-
kartochkaga “eng baland sakraydigan chumoli”; 4-kartochkaga “eng chiroyli 
yiqilish” so’zlari yozib qo’yiladi va kartochkalardagi yozuv ko’rinmaydigan 
qilib qog’oz buklanadi. Ishtirokchilardan 4 ta o’zaro teng bo’lgan kichik 
guruhlar shakllantiriladi. Har bir guruhga oldindan tayyorlab qo’yilgan 
kartochkalardan bittadan beriladi va hozircha kartochkalarni ochmaslik so’raladi 
hamda shart tushuntiriladi: ishtirokchilarga tarqatilgan kartochkalarda dunyoda 
yo’q haykal yodgorliklar nomi yozilgan bo’lib, ishtirokchilar kartochkalarni o’z 
guruhlari bilan ochib ko’radilar va shu haykal yoki yodgorlikni qanday qilib 
qurish va aktyorlik mahoratini ishga solib namoyish etish mumkinligini kelishib 
oladilar. Ishtirokchilar kelishib olishlariga 1 daqiqa beriladi. Undan so’ng har bir 
jamoa navbatma-nabat o’z yodgorligini boshqa jamoalarga namoyish etadi va 
boshqalar shu yodgorlikni nomini topishlari kerak bo’ladi. Yodgorliklar nomi 
juda g’ayrioddiy bo’lganligi uchun trener topishmoqni topishga (boshqa 
jamoalar qiynalgan hollardada) yordam berishi ham mumkin.