Психологик хизмат хонаси умумий ўрта таълим мактабларида психологик хизмат хонаси

1.4. Эстетик талаблар:

• Психологик хизмат хонасидаги жиҳозлар, ахборот берувчи восита ва материалларнинг умумий кўриниши эстетика қонуниятларига мос келиши, дид билан жиҳозланиши ва уларнинг замонавийлигига эътибор қаратилади, бу жараён ўқувчиларнинг гўзалликка бўлган ижобий интилишини тарбиялайди.

• Эстетик талаблар

• Эстетик кўриниши

• Замонавий-лиги

• Дид билан жиҳозланиши

II. Хонанинг ўқув ва моддий-техник таъминоти

• Умумий ўрта таълим мактабларидаги психологик хизмат хонаси, мактаб биносининг биринчи қаватида, касб-ҳунарга йўналтириш ва тиббий хизмат хонаси билан ёнма-ён жойлаштирилиши, яъни битта бинода бўлиши тавсия этилади. Мазкур хона учун 36 кв.м. майдондаги хона ажратилиши мақсадга мувофиқдир.
• Психологик хизмат хонасининг ўнг томонидаги бурчагининг 5 кв.м. жойи индивидуал суҳбат ўтказиш бурчаги учун, 16 кв.м. эса шкаф, стол-стул, доска ва бошқа жиҳозлар учун, 10 кв.м. жой ўқувчиларнинг эркин ҳаракатланишлари учун қолдирилади.

2.1. Хонадаги жиҳозлар рўйхати

№	Жиҳозлар номи	Сони	Тавсия этиладиган сифатлари
1	Шкаф (бурчакли)	1 та	Ёғоч рангида
2	Юмшоқ стуллар	15 та	Ёғоч рангида
3	Стол (индивидуал)	15 та	Оч яшил рангда
4	Психолог учун стол-стул (2та тортмали стол)	1 та	Ёғоч рангида
5	Доска (кўчма)	1 та	Оқ ёки тўқ яшил рангда
6	Кичик журнал столи (индивидуал суҳбат бурчаги учун)	1 та	Ойнали
7	Оромкурси (кресло) (индивидуал суҳбат бурчаги учун)	2 та	Оқ ёки яшил рангда
8	Хона дераза токчаларига тувакли табиий гуллар	10 та	Рангбаранг
9	Пардалар (жалюзи) деразалар сонига қараб		Оқ рангда
10	Палос	2 та	Жигар ранг
11	Аквариум (балиғи билан)	1 та	–
12	1х70 см кўзгу (руҳий енгиллаштириш учун)	1 та	Трюмо кўринишида
13	Компьютер, принтери билан	1 та	Оқ ёки кул ранг
14	Ёриткич (стол лампаси)	1 та	Ойнали
15	Гул қоғоз (Фотообой) – табиат манзараси	1 та	Мовий, оч яшил

2.2. Даҳлиздаги жиҳозлар рўйхати.

№	Жиҳозлар номи	Сони	Ранги
1.	Стенд	2 та	Оч рангларда
2.	Ишонч қутиси	1 та	Ёғоч рангида

2.3. Хонадаги жиҳозларнинг тавсифи

• Психологик хизмат хоналарини таъмирлашда ва жиҳозларни танлашда уларнинг рангига, жойлаштиришга қулайлигига, бирининг иккинчиси билан уйғунлашганлигига аҳамият берилади. Жиҳозларнинг ранги, тузилиши, дизайни, қулайлиги ҳам ўз навбатида шахс психологиясига катта таъсир кўрсатади.
• Психологик хизмат хонаси деворларининг ранги оч яшил бўлиши тавсия этилади. Деворларнинг ранги оч яшил бўлса, шахсни тинчлантиради. Полнинг жигар ранг бўлиши шахсда ўзига ишонч ва қатъиятлилик ҳисларини уйғотади. Хонанинг шифти оқ рангда бўлиши, шахсда енгиллик ҳиссини уйғотиб, диққатини жамлашга ёрдам беради.

Жиҳозлар	ранги, жойлаштириш қулайлиги, бирининг иккинчиси билан уйғунлашганлиги дизайни, қулайлиги
Деворлар	оч яшил
Пол	жигар ранг
Шифт	оқ

• Хона жиҳозланишига талаблар

Психологик хизмат хонасида (ўқувчилар учун) 15 та индивидуал стол, 15 та юмшоқ стуллар ва (ўқитувчилар учун) 1 та стол, 1 та стул бўлиши лозим. Хонада ўтказиладиган машғулотларнинг шартларига кўра стол ва стуллар турлича жойлаштирилади. Индивидуал столларни танлаш ва турли шаклларда жойлаштириш, психолог учун ўқувчига индивидуал ёндошиш имкониятини беради ва ўқувчилар орасидаги оралиқ масофа бузилмайди. Оралиқ масофанинг бузилмаслиги эса, ҳар бир шахснинг руҳиятига маълум даражада таъсир кўрсатиб, уларнинг эркин ва мустақил фикрлаши ҳамда ўзига ишонч туйғуларини шакллантиришда ёрдам беради.

• Психологик хизмат хонасида (ўқувчилар учун) 15 та индивидуал стол, 15 та юмшоқ стуллар ва (ўқитувчилар учун) 1 та стол, 1 та стул бўлиши лозим. Хонада ўтказиладиган машғулотларнинг шартларига кўра стол ва стуллар турлича жойлаштирилади. Индивидуал столларни танлаш ва турли шаклларда жойлаштириш, психолог учун ўқувчига индивидуал ёндошиш имкониятини беради ва ўқувчилар орасидаги оралиқ масофа бузилмайди. Оралиқ масофанинг бузилмаслиги эса, ҳар бир шахснинг руҳиятига маълум даражада таъсир кўрсатиб, уларнинг эркин ва мустақил фикрлаши ҳамда ўзига ишонч туйғуларини шакллантиришда ёрдам беради.
• Имконият даражасида психологик хизмат хонасига жиҳозларни камроқ бурчакли, яъни бурчаклар ўрнига айлана шаклдаги жиҳозларни танлаш ва тўғри жойлаштириш тавсия этилади. Хона жиҳозларидаги қирра ва тўғри бурчаклар ақлий меҳнат жараёнида, фикрлар изчиллиги, мантиқий боғлиқлик ва шахснинг онг ости фаолиятига салбий таъсир кўрсатади.

Хонадаги жиҳозларнинг ранги девор ранги билан уйғунлашиши макон кенглиги ва психологик комфортни вужудга келтиради. Шунинг учун жиҳозларнинг рангини танлашга алоҳида эътибор билан қараш тавсия этилади.

• Хонадаги жиҳозларнинг ранги девор ранги билан уйғунлашиши макон кенглиги ва психологик комфортни вужудга келтиради. Шунинг учун жиҳозларнинг рангини танлашга алоҳида эътибор билан қараш тавсия этилади.
• Психологик хизмат кўрсатиш хоналаридаги шкаф хонанинг чап томонига жойлаштирилиб, унинг бир томонида меъёрий ҳужжатлар, диагностика натижалари, иш ҳужжатлари турса, иккинчи томонида кўргазмали қуроллар, дидактик материаллар, психодиагностик тест ва услубий қўлланмалар, журнал ва бошқа психологик адабиётлар жойлаштирилади.
• Психологик хизмат хонасида интернет тизимига уланган персонал компьютер ва принтер бўлиши психологга интернет тармоғига чиқиш, мультимедиядан унумли фойдаланиш, ўқитувчи ва ўқувчилар ўртасида турли психологик ҳамда интелектуал тестларни ўтказиш, барча психодиагностик банкларни тўплаш имкониятини туғдиради.