Профессионал таълим муассасалари моддий-техник базасидан фойдаланиш, уни ривожлантириш, сақлаш ва инвентаризация жараёнлари

11. Транспорт воситалари ва қишлоқ хўжалиги машиналари таълим муассасаларига етказиб берилгандан сўнг, белгиланган муддатда жойлардаги тегишли назорат қилувчи муассасалар (Давлат йўл ҳаракати хавфсизлиги хизмати ёки Агроинспекциянинг ҳудудий бўлинмаларида)да рўйхатдан ва бир йилда бир марта техник кўрикдан ўтказилади.

12. Ўқув техникаларига ишлаб чиқарувчи корхонанинг техникадан фойдаланиш бўйича қўлланмасида белгиланган муддатларда тегишли техник қаров кўрсатилади.

12. Ўқув техникаларига ишлаб чиқарувчи корхонанинг техникадан фойдаланиш бўйича қўлланмасида белгиланган муддатларда тегишли техник қаров кўрсатилади.

13. Автотранспорт воситалари ҳайдовчилари ҳамда Тракторист-машинистлар тайёрлаш назарда тутилган касблари мавжуд таълим муассасаларига якка тартибдаги ўқув машқлари ҳамда ўқув-тажриба хўжаликларида амалиёт вақтида фойдаланиш учун берилган автомобиль ва бошқа техникалардан фақат ўқув мақсадларидагина белгиланган жойда фойдаланишга йўл қўйилади.

14. Барча фан ўқув хоналари, лаборатория, ўқув устахонаси, ўқув-тажриба хўжалиги ва автодромлардаги жиҳозлар ва уларнинг ишга яроқлилик ҳолати таълим муассасасининг паспортида ўрнатилган тартибда қайд этиб борилади.

15. Ўқув-лаборатория хоналари, ўқув устахоналаридаги носоз ҳолга келган жиҳоз, дастгоҳ ва техникаларни таъмирлаш соҳа мутахассисларини жалб қилган ҳолда амалга оширилади.

16. Ўқув-лаборатория жиҳозлари, устахона анжомлари ва ўқув техникаларидан мақсадли фойдаланиш ва уларнинг сақланишини самарали ташкил этган ўқитувчи ва ишлаб чиқариш таълими усталари, фан хонаси масъулларини рағбатлантириш масаласи таълим муассасаси раҳбарияти томонидан ярим йиллик ва ўқув йили якуни бўйича кўриб чиқилади.

17. Хорижий мамлакатларнинг имтиёзли кредитлари ҳамда давлат бюджети маблағлари ҳисобига берилган жиҳоз, дастгоҳ, ўқув ва компьютер техникаларини ЎзР Олий ва ўрта махсус таълим вазирлигининг рухсатисиз ваколати бўлмаган ташкилотларнинг хулосасига кўра асоссиз равишда ҳисобдан чиқариш, шунингдек, ижарага бериш ва маҳаллий ҳокимликларнинг оғзаки ва ёзма кўрсатмаларига асосан фойдаланишга бериш, таълим муассасаси ҳудудидан ташқарида фойдаланиш қатиян ман этилади.