«применение современных информационно коммуникационных технологий в проведении реформ в новом узбекистане»

 
Adabiyotlar: 
1.
R.Ishmuxammedov, M.Yuldashev. Ta’lim va tarbiyada innovatsion 
texnologiyalar, Nihol, 2016. 
2.
N.Holmirzayev, National experience in the formation of working 
culture. E-library, 2019. 
 
 
ИЖТИМОИЙ-ГУМАНИТАР ФАНЛАРНИ ЎҚИТИШДА АХБОРОТ 
ТЕХНОЛОГИЯЛАРИДАН ФОЙДАЛАНИШ 
Зулунов Қодиржон Тўрабоевич-Аду мустақил тадқиқотчиси 
Жаҳон таълим тизимида таълим стратегиялари ва механизмларини 
замонавий ривожланиш тамойиллари асосида такомиллаштириш, креатив 
фикрловчи кадрларни тайёрлаш, тараққиёт тенденцияларига мос равишда 
педагогик инновацияларни жорий этиш ва унинг самарадорлигини баҳолаш 
асосида такомиллаштириш, рақаботбардош кадрларни тайёрлашга қаратилган 
илмий изланишлар амалга оширилмоқда. 

---

«Yangi O‘zbekistonda islohotlarni amalga oshirishda zamonaviy axborot-kommunikatsiya 
texnologiyalaridan foydalanish» mavzusida Xalqaro ilmiy-amaliy konferentsiya 
Andijon 
 
27-29 oktabr 2021 yil 
312 
Мамлакатимизда ҳам таълим-тарбия жараёни сифатини янги босқичга 
олиб чиқиш, жумладан, ижтимоий фанларини ўқитиш жараёнига ахборот 
технологияларни жорий этиш орқали натижавийликни таъминлаш 
имкониятлари кенгаймоқда. Бу борада Давлатимиз раҳбари Ш.Мирзиёев 
ўзининг “Танқидий таҳлил, қатъий тартиб-интизом ва шахсий жавобгарлик - 
ҳар бир раҳбар фаолиятининг кундалик қоидаси бўлиши керак” асарида 
таълим ва илм-фан, давлатнинг ёшларга доир сиёсатини амалга ошириш, 
таълимнинг янги, замонавий усулларини, жумладан, ахборот-коммуникация 
технологияларини жорий этиш соҳасидаги ишлар ахволини танқидий таҳлил 
қилиб, бир қатор вазифаларни амалга оширишга[1] эътибор қаратди.
Айниқса ижтимоий фанларни мукаммал ўрганиш учун оммавий ахборот 
воситалари, интернет ресурсларидан кенг фойдаланиш ўта муҳим аҳамиятга 
эга. Мазкур масалада 2019 йил 11 июлдаги “Ўзбекистон тарихи” телеканалини 
ташкил этиш чора-тадбирлари тўғрисида”ги ПҚ-4390-сонли қарор [2] ҳамда 
Ўзбекистон Республикаси Президенти Ш.Мирзиёев Олий Мажлисга 
Мурожаатномасида “Буюк аллома ва адибларимиз, азиз-авлиёларимизнинг 
бебаҳо мероси, енгилмас саркарда ва арбобларимизнинг жасоратини ёшлар 
онгига сингдириш, уларда миллий ғурур ва ифтихор туйғуларини 
кучайтиришга алоҳида эътибор қаратишимиз керак”[3]лиги алоҳида таъкидлаб 
ўтилди. Мана шу мақсадда МТРК компанияси таркибида “Ўзбекистон тарихи” 
канали ташкил этилди. Мазкур каналнинг дастурлари, зиёлилар билан бўлган 
илмий суҳбатлар орқали бугун халқимиз, айниқса, ёшлар ўртасида 
ўзлигимизни, миллий тарихимизни билиш, улуғ алломаларимиз ҳақидаги ноёб 
тарихий маълумотлардан дарс машғулотларида фойдаланиш имкониятимиз 
кенгайди. Қолаверса, халқимизнинг тақдирида рўй берган, тарихимиздан ўрин 
олган гоҳ шонли, гоҳ тушкун ва фожиали ҳодисалар Ватанини севувчи ҳар бир 
инсонни бефарқ қолдирмайди. 
Дарҳақиқат бугунги кунда таълим тизими ходими албатта ахборот олиш, 
уни қайта ишлаш ва таълим-тарбия жараёнида ахборотни ёшларга етказишда 
ишлатиладиган техника ва технологиялардан фойдаланишни билиши зарур. 
Ҳозирги шароитда ахборот комуникацион технологиялар соҳасида таълим 
тизими ходимлари учун қўйилаётган минимал талаблар қуйидагилардан 
иборат: 
-Компютер ва унинг барча қурилмалари (принтер, скайнер кабилар)дан 
мустақил фойдалана олиш; 
-Компютердаги МS Word, MS Power Point ва МS Excel дастурларини 
амалда ишлата олиш; 
-Интернет тармоғига мустақил кира олиш ва у ердан таълим-тарбияга 
оид материалларни кўчира олиш кабилардир.
Таълим тизими ходимларини бундай кўникма ва малакаларга эга 
бўлишлари албатта ижтимоий фанларни ўқитишда ўтиладиган ҳар бир 
мавзуни ўқувчиларга сингдириш жараёнини янада жонлантиради ва унинг 
таъсир қуввати янада ортишига олиб келади. 

---