Prezidentimiz Sh. M

Kirish
Bozor munosabatlari sharoitida har bir xo’jalik yurituvchi sub’yektlar kuchli raqobat sharoitiga moslashishi, bozorda o’z o’rniga ega bo’lishi va uzoq yillar davomida samarali faoliyat yuritishi uchun uzoqni ko’zlagan va puxta ishlangan moliyaiviy strategiya muhim ahamiyat kasb etadi. Moliyaviy strategiya xo’jalik yurituvchi sub’ektlarning istiqboldagi faoliyat barqarorligi ta’minlanishini kafolatlaydi. Shuningdek, ham makro darajada ham mikro darajada amalga oshiriladigan istalgan masala ijobiy hal bo’lishi uchun oldindan strategik rejalar ishlab chiqish va ularni samarali amalga oshirish zarur.
Prezidentimiz Sh.M.Mirziyoev 2017 yil 14 yanvarda mamlakatimizni 2016 yilda rivojlantirishning asosiy yakunlari va 2017 yilga mo’ljallangan iqtisodiy dasturning eng muhim ustuvor yo’nalishlariga bag’ishlangan Vazirlar Mahkamasining kengaytirilgan majlisidagi ma’ruzasida ta’kidlaganlaridek – “Barchamiz so’zsiz tushunishimiz, iqtisodiy islohotlar va ijtimoiy o’zgarishlarni muvafaqiyatli amalga oshirish eng avvalo iqtisodiy va moliyaviy organlarning faoliyati samaradorligiga bog’liq. Ular yaqin va uzoq istiqbolga mo’ljallangan, mamlakatimiz iqtisodiy qudratini mustahkamlashga doir strategik vazifalarni nafaqat ishlab chiqishi, balki amalga oshirishni ta’minlashi zarur.”¹
Shuning uchun ham bugungi kunda xo’jalik yurituvchi sub’ektlar faoliyatini samarali tashkil etish uchun moliyaviy strategiyani ishlab chiqish tartibini hamda ushbu jarayonda foydalaniladigan strategik tahlil usullarini puxta o’rganish. Shuningdek, xo’jalik yurituvchi sub’ektlarda samarali moliyaviy strategiya ishlab chiqish va bunda strategik moliyaviy tahlil usullarining ahamiyatini oshirish yuzasidan ilmiy taklif va amaliy tavsiyalar ishlab chiqish muhim ahamiyat kasb etadi. Xususan sohadagi xorijiy davlatlarning ilg’or tajribalarini tadqiq ham yuqoridagi vazifalarning muhim yo’nalishlaridan sanaladi. Bu esa o’z navbatidamazkur kurs ishi mavzusining bugungi kunda juda dolzarb ekanligini o’zida ifoda etadi.

1^ Sh.M.Mirziyoev. “Tanqidiy tahlil, qat`iy tartib intizom va shaxsiy javobgarlik – har bir rahbar faoliyatining kundalik qoidasi bo`lishi kerak. – Toshkent: “O`zbekiston”, 2017. – 104b. 25-bet.