Полимерлар. Полимерларнинг тузилиши ва хоссалари тўғрисида асосий маълумотлар. Чизиқли полимерлар. Пластмассалар. Композицияли кукунсимон пластмассалар ва қатламли пластиклар. Электризоляцияли компаундлар

Полимерлар

• Агар полимерлар кенг температура диапазонида юмшоқлигича қолса ва енгил деформацияланса, улар эластомерлар ёки каучуклар деб аталади. Агар айтиб ўтилган шароитларда полимерлар ўзларини қаттиқ жисмдек тутсалар, улар пластомерлар, пластик массалар ёки полимер шишалар деб аталади.
• Кимёвий таркибига кўра полимерлар уч синфга бўлинади:
• - карбоноёб
• - гетероноёб
• - оганик элементли

Пластмассалар ва катламли пластиклар

• Биринчи синфга фақат углерод атомидан ташкил топган полимерлар киради: синтетик каучуклар, полиэтилен, полипропилен, поливинилхлорид, полистирол, полиметилметакрилат, тефлон, фторопластлар.
• Иккинчи синфга углерод атомидан ташқари яна кислород, азот, олтингугурт ёки фосфор атомлари бўладиган органик полимерлар киради. Гетероноёб полимерларга полиэтилентерефталат, крахмал, оқсиллар ва бошқалар киради.

Полимерлар

• Органик элементли полимерлар – бу шундай юқоримолекуляр бирикмаларки, улар таркибига углероддан ташқари бошқа элемент атомлари ҳам киради. Амалиётда кенг қўлланиладиганлари эластомер, пластик масса ва қопламалар каби органик кремнийли бирикмалардир.
• Юқоримолекуляр органик моддаларнинг мураккаб аралашмалари смола деб аталади. Улар ўхшаш кимёвий табиатга ва умумий физик хоссаларга эга. Паст температурада смолалар аморф, шишасифат мўрт массалардир. Қизитилганда смолалар юмшайди, пластик кейин эса суюқ холатга ўтади. Электр изоляцияда қўлланиладиган смолалар кўп ҳолларда сувда эримайди, лекин мос келувчи органик эритгичларда эрийди.
• Электр изоляцияда синтетик смолалар (полиэтилен, полистирол, поливинилхлорид, полиметилметацеклат, фторопласт, лавсан, эпоксид смола ва бошқалар) муҳим ўрин тутади.

Пластмассалар ва катламли пластиклар

• Пластик массалар (пластмассалар)- бу бир хил шакл ва ўлчамларга эга маҳсулотларни ясашда қўлланиладиган композицион материал. Бунинг учун пластмасса юқори босим таъсирида (кўпинча бир вақтда қиздириш йўли билан) прессланади.
• Пластмассалар электротехникада ҳам электр изоляцион, ҳам соф конструкцион материал сифатида кенг қўлланилади. Кўпгина пластмассалар юқори механик пишиқлик, яхши электр изоляцион хоссаларга ва кичик оғирликка эга (пластмассаларнинг зичлиги одатда 0,9 дан 1,8 М2/м3 гача).
• Кўп холларда пластмассалар иккита асосий компонентдан ташкил топган бўлади: боғловчи ва тўлдирувчи. Боғловчи- одатда органик полимер бўлиб, босим таъсирида деформацияланиш қобилиятига эга бўлади. Ҳозирги вақтда боғловчи компонент сифатида кўп миқдорда фенолоформальдегид смолалар ишлатилади.