Polimerlar jarrohlikda

Mavzu: Polimer dorilar. "Payvandli" polimer dorilar.
Reja: 1. Polimerlarning jarrohlikda ishlatilishi.
2. Polimer dorilarning ishlab chiqarish texnalogiyasi.
3. Payvandli polimer dorilar.


Polimerlar jarrohlikda
Polimer materiallarning jarrohlikda ishlatilishi asbob-uskunalar qo’shimcha tibbiyot vositalari sifatida plastmassadan yasalgan bir marotaba ishlatiladigan tibbiyot anjomlari rezina, shpris, sun’iy nafas olish organlari bilan chegaralangan bo’lsa, hozirgi kunda polimer materiallaridan tayyorlangan davolash xususiyatiga ega bo’lgan vositalar, jarrohlikda qo’llaniladigan choklovchi materiallar, sun’iy a’zolar, turli protezlar, plastmassadan tayyorlanga jag’lar, tishlar, bo’g’imlar, qon tomirlari yurak qopqoqchalari, shunga o’xshash juda ko’p turli-tuman vositalar keng miqyosda qo’llanilmoqda.
Polimerlarning ajoyib xossalaridan foydalanib tirik inson a’zosini sun’iy organlarga almashtirishda katta yutuqlarga erishildi. Polimerlarning noyob xossalaridan foydalanib, ayniqsa tibbiyotning jarrohlik sohasida inson uchun bog’lovchi vosita suyaklar yaratilishidan bemorlarning ikki marotaba operatsiya qilishga hojat qolmadi. Bog’lovchi elementlar bilan mustahkamlangan bukuluvchan parda bilan ikki organlarni operatsiya qilingandan so’ng jigarni, buyrakni va boshqa ichki a’zolar ustini o’rab qo’yilsa, ularni tez tuzalishiga yordam beradi. Bu parda esa 2-4 oyda teri va to’qimalarga so’rilib yo’q bo’lib ketadi va shu bilan birga operatsiyadan keyingi qiyinchiliklarni kamaytiradi.
Tibbiyotning jarrohlik sohasidagi eng ko’p ishlatiladigani sun’iy a’zolar bo’lib, biz bularning bir necha xillarini yuqorida bayon qildik. Sun’iy yurak, sun’iy o’pka, va buyrak deganda o’quvchilar avvalo ichki ma’noni tushunishi kerak: organizmdan tashqarida ma’lum vaqtgacha ana shu a’zo vazifasini bajarib turuvchi apparat va to’la ma’noda bo’lgan protez.
Sun’iy a’zolarni butunlay polimerlardan yasash ustida ilmiy ishlar olib borilmoqda.
Sun’iy jigar va buyrak, inson a’zolari ishdan chiqqan bo’lsa operatsiyadan oldin yoki keyin ularni funksiyasini to’liq bajarib turadi. Bunday murakkab sun’iy a’zolarni yaratishda AQSHda Atsetat selyulozasidan, Fransiyada AQSH bilan birgalikda poliakrilonitrildan, Yaponiyada polimetil akrilatdan etilen va vinilatsetatning sopolimeridan foydalanadilar.