Pobototexnika bo‘limi bo‘yicha imkon qadar o‘quvchilar bilan amaliy mashg‘ulot o‘tkazishga hatakat qilish lozim

TUSHUNTIRISH XATI
Ma’lumki, Xalq ta’limi vazirligining 2020 yil 3 sentabrdagi 02-02/2-578-sonli xatiga binoan pandemiya munosabati bilan 2020-2021 o‘quv yilining 1-2 choragi davomida ayrim fanlarning masofaviy ta’lim shaklida o‘zlashtirib borilishi tavsiya etilgan edi.

Buungi kunga kelib umumiy o‘rta ta’lim maktablarida o‘quvchilarning davlat ta’lim standartlari va o‘quv dasturlarida belgilangan bilimlarni o‘zlashtirishga imkoniyat yaratish maqsadida Xalq ta’limi vazirligining 25 dekabrdagi 02-02/2-1671-son xatiga asosan joriy o‘quv yilining 3-choraidan boshlab Texnologiya fani an’anaviy shaklda o‘qitilishi belgilangan.

Shu munosabat bilan, ushbu fanni tig‘izlashtirilgan holda o‘qitish bo‘yicha mazkur namunaviy taqvimim-reja va tavsiyalar ishlab chiqildi.

Shu o‘rinda ta’kidlash joizki, har qanday darsning sifati o‘qituvchi tomonudan qo‘llanilayotgan pedagogik texnologiyalar va metodlarning natijaviyligi uni qo‘llayotgan o‘qituvchining bilimi, ijodiy va kasbiy mahoratiga bog‘liqdir.

O‘qituvchining kasbiy mahorati, o‘quvchilarning individual xususiyatlari, qiziqishlari, ta’lim muhiti va mavjud imkoniyatlarni inobatga olgan holda to‘g‘ri tushunilgan, tanlangan va qo‘llanilganda ko‘langan pedagogik maqsadga erishish o‘zaro uzviy bo‘lib, o‘qituvchilarning tinimsiz o‘z ustilarida ishlashni talab etadi.

Mazkur tig‘izlashtirilgan namunaviy taqvim-rejada nazorat ishi uchun alohida soat ajratilman. Nazorat ishlari amaliy mashg‘ulotlar va takrorlash, yakuniy dars uchun ajratilgan soatlar hisobidan amalga oshirilishi nazarda tutilgan.

Shuningdek, Serviz xizmati yo‘nalishi bo‘yicha pazandachilik bo‘limiga oid mavzular to‘garak hisobidan qiziquvchi o‘quvchilar uchun o‘tish tavsiya etiladi.

Pobototexnika bo‘limi bo‘yicha imkon qadar o‘quvchilar bilan amaliy mashg‘ulot o‘tkazishga hatakat qilish lozim.

Mazkur taqvim-rejaga metodbirlashma qaroriga asosan ichki imkoniyat va sharoitlardan kelib chiqqan holda 15 foizgacha o‘zgartirishlar kiritish mumkin.