Pán haqqinda maǵliwmat „Dintanıw”

PÁN HAQQINDA MAǴLIWMAT

„Dintanıw” páni gumanitar hám sotsialliq-ekonomikaliq pánler blokina kiritilgen bolip, 1-kursta oqitiliwi maqsetke muwapıq. „Dintanıw” páni gumanitar pánler qatarina kiredi hám barliq Dintanıw bolmaǵan tálim baǵdarlarinda oqitiladi. Bul pán Dintanıwǵa tiyisli pánlerdiń tiykarǵi mazmun-máisin ózinde jámleydi hám óz baǵdarindaǵi basqa pánler ushin da xizmet qiladi.

Pándi oqitiwdan maqset- talabalarǵa milliy hám diniy qádiriyatlardiń tariyxiy belgisi,olardiń uliwmainsaniy qadiriyatlar ile uyǵinliǵin tu’sindiriw, olarda diniy bawirikeńlik mádeniyatin, dinge bolǵan tuwri jantasiwin qáliplestiriw hám jamiyet ushin joqari mádeniyatli kadrlardi tárbiyalawdan ibarat.

Pánniń waziypasi- talabalarǵa házirgi dáwirdegi dinlerdiń belgili xaliq turmisinda tutqan orni haqqinda uliwma teoriyaliq tu’sinikler beriw, olardiń mámleket hám din mu’násebetleri, dinlerara bawirikeńlik ideyasi hám mádeniyati haqqindaǵI tásawirlerin bayitiw; din hám diniy qádiriyatlardiń talqi etiliwi hám bu’gingi ku’ndegi áhmiyetin u’yretiw; globallasiw protsessinde diniy tarawda keship atirǵan tendetsiyalardi jaritiw; jaslarda tu’rli ziyanli diniy sekta hám aǵimlardiń buzǵinchi ideyalarina qarsi immunitetti qáliplestiriw.
Pán boyınsha talabaniń bilim, kónlikpe hám jetikligine tómendegi talaplar qoyiladi.
Talaba:
-mámleket hám din mu’násebeti, Orayliq Aziyada tarqalǵan dinler tariyxi, táliymati, muqaddes derekleri, baǵdarlari, du’nyada bar bolǵan dinlerdiń ózine tán ózgesheligi, dinlerdegi aǵimlar hám mazhablar, du’nyaniń konfessional kartasi, din hám nizam ózara mu’násebetleri haqqinda tu’siniklerge iye boliwi;
-missionerlik, prozelitizm hám diniy ekstremizmniń jámiyet ómirine qáwip saliwi hámde unamsiz tásiri hám aqibetleri; dinlerara bawirikeńlik printsiplerine ámel qiliw, dinniń mánisi jaqsiliqtan ibarat ekenin ańlaw, dinniń sotsiyalliq rawajlaniw menen tikkeley baylanisliǵin tu’sinip jetiw; din hám diniy qádiriyatlardiń insane ruwxiy ómirinde tutqan ornin sezine biliwi hám olardan paydalana aliwi;
-dunyaliq hám diniy ilimlerdiń jámiyet rawajlaniwina tásirin ańlaw, olarǵa tiyisli óziniń ózbetinshe pikirin bildiriw; din niqabi astindaǵI tu’rli buzǵinshi ideyalarǵa qarsi immunitetin qáliplestirip bariw, olardiń jawiz niyetlerine óziniń erkin hám qalis mu’násebetin bildiriw kónlikpelerine iye boliwi kerek.