Pirometallurgiya jarayonlari nazariyasi

Yallig‘ qaytaruvchi eritish jarayonida shteyn tarkibini aniqlash

Yallig‘ qaytaruvchi eritish pechining xomashyosiga boyitma, flyus va aylanuvchi materiallar kiradi. Bu pech hozirgi kunda O‘zbekiston sharoitida Olmaliq kon-metallurgiya kombinatida mis eritish zavodida ishlatilib kelinyapti. Bu eritish jarayonida pechning asosiy ishchi qismida harorat 1350 – 1450 ^oC ni tashkil etgani uchun xomashyo va materiallar suyuqlanib, ulardagi moddalar orasida turli xil kimyoviy o‘zgarishlar sodir bo‘ladi. Olmaliq sharoitida Yallig‘ qaytaruvchi eritish pechida asosan sulfidli mis boyitmalari qayta ishlanadi. Mis boyitmasini qayta ishlash natijasida pech vannasida shlak va shteyn fazalari paydo bo‘ladi. Bizga kerakli bo‘lgan mis metali esa sulfidli ko‘rinishda shteyn fazasiga o‘tadi. Shteyn – bu sulfidli birikmalarning suyuq eritmasidir. Misning shixta tarkibidan shteynga o‘tish daraja ko‘rsatkichi V.I. Smirnovning formulasidan topiladi: