Pfp basics Sample Presentation

Ahamiyatli kamchiliklar yuzasidan boshqaruv yuklatilgan shaxslar bilan yozma ravishda axborot almashinish ushbu masalalarning muhimliligini aks ettiradi va boshqaruv yuklatilgan shaxslarga o‘zlarining kuzatuv javobgarliklarini bajarishda ko‘mak beradi. AXS 260 boshqaruv yuklatilgan barcha shaxslar tadbirkorlik sub’ektini boshqarishda ishtirok etgan holatdagi boshqaruv yuklatilgan shaxslar bilan axbrot almashinuviga nisbatan tegishli ko‘rib chiqishlarni belgilaydi.

Yozma axborot almashinuvini qachon amalga oshirishni aniqlashda, auditor bunday axborot almashinuvining qabul qilinishi boshqaruv yuklatilgan shaxslarga ularning kuzatuv javobgarliklarini bajarishga imkon berishda muhim omil bo‘lishi mumkinligini ko‘rib chiqishi mumkin. Shu bilan birga, ma’lum qonunchiliklardagi listing qilingan tadbirkorlik sub’ektlari uchun, boshqaruv yuklatilgan shaxslar me’yoriy yoki boshqa maqsadlarda ichki nazoratga tegishli muayyan javobgarliklarni bajarish uchun moliyaviy hisobotlarning tasdiqlanish sanasidan oldin auditorning yozma axborot almashinuvini olishi zarur bo‘lishi mumkin. Boshqa tadbirkorlik sub’ektlari uchun, auditor yozma axborot almashinuvini keyinroq taqdim etishi mumkin. Shunga qaramasdan, ikkinchi holatda, ahamiyatli kamchiliklar yuzasidan auditorning yozma axborot almashinuvi yakuniy audit hujjatining qismini tashkil etishi tufayli, yozma axborot almashinuvi auditor uchun o‘z vaqtida yakuniy audit hujjatini yig‘ishni tugallash bo‘yicha muhimroq talabga shartli bo‘ladi. AXS 230 ta’kidlaydiki, yakuniy audit hujjatini yig‘ishni tugallashning o‘rinli muddati odatda auditorlik hisobotining sanasidan keyin 60 kundan ortiq bo‘lmaydi