Petrografiya

Gipabissal      tog’    jinslari.  Diorit-andezit  guruhining  gipabissal 

turlari  dioritlarga  nisbatan  ko'proq  tarqalgan.  Asxist  tog’  jinslari 

mikrodiorit va diorit-porfirit, diasxist jinslar esa diorit-aplit, diorit-

pegmatit hamda lamprofirlardan tashkil topgan. 

Mikrodiorit  dioritdan  mayda  va  mikrodonachaligi  hamda 

qoraroqligi bilan ajralib turadi. Porfirlar plagioklaz (ko'pincha zonal 

tuzilishiga ega), shoh aldamchisi  va kamroq piroksendan tashkil 

topgan.  Jinsning  asosiy  massasi  to'liq  kristallangan  bo'lib, 

yuqorida qayd qilingan minerallarning mayda donachalaridan tashkil 

topgan.  Leykokratli  tomirsimon  jinslar  -  diorit-aplit  va  diorit-

pegmatitlar  kamdan-kam  uchraydi.  Diorit  -  aplit      asosan 

plagioklazdan  (andezin  yoki  oligoklaz)  tashkil  topgan.  Oz 

miqdorda  kvars  (5  foiz),  shox  aldamchisi  va  biotit,  ba'zan 

ortoklaz uchraydi. Jinsning strukturasi aplitli. Diorit-pegmatit katta, 

yirik  donali  jins  bo'lib,  plagioklaz  (andezin,  oligoklaz-andezin), 

---

 

13 

shoh  aldamchisi    va  biotit,  orasira  piroksendan  tashkil  topgan. 

Ayrim hollarda kvars (3-10 foiz) uchraydi. 

Lamprofir  melanokratli  tog’  jinsi  bo'lib,  mayda  donali,  

kulrang.  Dala  shpatlari  plagioklazdan  (andezin-labrador)  iborat. 

Jins  tarkibida  qaysi  rangli  mineral  kelishiga  qarab  lamprofirlar 

turlarga  ajratiladi.  Biotitli  lamprofir      kersantit,    shoh  aldamchili 

lamprofir    spessartit      deb  nomlanadi.  Lamprofir  tog’  jinslariga 

lamprofir  struktura  xos  bo'lib,  u    rangli  minerallarning 

fenokristallari  borligi bilan farq qiladi.